नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी

१८ वैशाख, वीरगञ्ज । नबिल बैंकको वीरगञ्ज शाखाबाट एक सय दरका करिब १ करोड ३४ लाख नोट चोरी भएको बताइएको छ । प्रहरीका अनुसार सोमबार बिहान अज्ञात समूहले बैंकमा आएर चोरी गरेको हो । रकम चोरी भएकोबारे बैंकले पर्सा प्रहरीलाई जानकारी गराएको थियो । 

चोरी भएको सूचना पाएपछि प्रहरीले सुरु गरेको अनुसन्धानमा चार जना बैंक भित्र प्रवेश गरी दराजबाट पैसा निकालेको सीसीटीभी फुटेजमा देख्न सकिने प्रहरीले बताएको छ । यो रकम बैंकले राखेको स्टील दराजबाट चोरी भएको बताइएको छ । रकम चोरीबारे अहिले अनुसन्धान भइरहेको र पूर्ण विवरण नआइसकेको प्रहरीले जनाएको छ ।