सिरोहिया पक्राउबारे कांग्रेसले गरायो प्रधानमन्त्रीको ध्यानाकर्षण

११ जेठ, काठमाडौं । नेपाली कांग्रेसले उपप्रधान तथा गृहमन्त्री रवि लामिछानेले सदनमा बोलेको विषयमा र कान्तिपुर मिडिया ग्रुपका अध्यक्ष कैशाल सिरोहिया पक्राउका बारेमा सरकारको ध्यानाकर्षण गराएको छ । 

प्रधानमन्त्री निवास बालुवाटारमा शुक्रबार बसेको शीर्ष नेताहरूको बैठकमा गृहमन्त्रीले प्रतिनिधिसभा बैठकमा कांग्रेसलाई लाञ्छना लगाउने काम गरेको विषयमा प्रधानमन्त्रीको ध्यानाकर्षण गराएको कांग्रेस प्रमुख सचेतक रमेश लेखकले बताए । 

त्यसैगरी कैलाश सिरोहियालाई जुन तरिकाले पक्राउ गरेको गरेको छ त्यस विषयमा कांग्रेस गम्भीर रहेको कुरा उठाएको उनले बताए । दुवै विषयमा प्रधानमन्त्रीले जवाफ दिनुहोला, उनले भने ।