अभिनेत्री सोनाक्षी सिन्हाले २३ जुनमा बिहे गर्ने
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ २८, २०८१ सोमबार ११:३४:०
![](https://nepalbahas.prixacdn.net/media/albums/Sonakshi-Sinha-Birthday_SsOlMbxzVh_KA2bC0dcWx.jpg)
२८ जेठ, काठमाडौं । कुल प्रीत सिंह, कृति खरबन्द र तापसी पन्नुपछि बी टाउनकी अर्की सुन्दर अभिनेत्रीले बिहे गर्ने पक्का भएको छ । यो नायिका अरु कोहि होइन सोनाक्षी सिन्हा हुन् । ३७ वर्षीया सोनाक्षी दुलही बन्न तयार छिन् ।
सोनाक्षी सिन्हा लामो समयदेखि अभिनेता जहीर इकबालसँग डेट गरिरहेकी छिन् । दुवैले आफ्नो सम्बन्धको आधिकारिक पुष्टि नगरे पनि उनीहरुको सम्बन्ध र प्रेमले भरिएका तस्विर र पोस्टले उनीहरुको सम्बन्धलाई पक्कै पनि उजागर गरेको छ ।
अहिले सोनाक्षी सिन्हाले वर्षौंसम्म डेटिङ गरेपछि जहीरसँगको आफ्नो सम्बन्धलाई अर्को तहमा लैजाने तयारी गरिरहेकी छन् । रिपोर्ट अनुसार ‘दबंग’ अभिनेत्री १३ दिनपछि दुलही बन्न लागेकी छिन् । उनले २३ जुनमा जाहीसँग जिउने र मर्ने कसम खानेछिन् ।
बिहेमा को को सहभागी हुनेछन् ?
सोनाक्षी सिन्हा र जहीर इकबालको विवाह मुम्बईमा मात्र हुने बताइएको छ । शिल्पा शेट्टीको रेस्टुरेन्ट बास्टियनमा विवाह समारोह मनाइनेछ । जसमा अभिनेत्रीको परिवार र नजिकका साथीहरुको सहभागिता रहनेछ ।
साथै ‘हीरामण्डी’का सम्पूर्ण कलाकारले पनि सहभागिता जनाउन सक्नेछन् । यो जोडीको विवाहको कार्ड पनि बनाइएको छ, जसलाई म्यागजिन कभर जस्तै डिजाइन गरिएको छ । तर हालसम्म सोनाक्षी सिन्हा वा जहीर इकबालले आफ्नो विवाहको औपचारिक घोषणा गरेका छैनन् । दुवैले समाचारमा कुनै प्रतिक्रिया दिएका छैनन्।
जहीर इकबाल एक व्यापारी परिवारका हुन्। उनका बुबा इकबाल रतनसी एक प्रसिद्ध जौहरी र व्यापारी हुन्। सलमान खानको परिवारसँग पनि उनको घनिष्ठ मित्रता छ । सलमान खानले जहीरलाई २०१९ मा फिल्म ‘नोटबुक’ मार्फत लन्च गरेका थिए । सोनाक्षीले पहिलो पटक जहीरसँग फिल्म ‘डबल एक्सल’ मा काम गरेकी थिइन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदोस्रो सातामा बलिउड फिल्म स्त्री २ को बक्स अफिसमा शानदार कमाई
भदौ १०, २०८१ सोमबार
अभिनेत्री श्रद्धा बनिन् इन्स्टाग्राममा दोस्रो बढी फलोअर्स हुने भारतीय
भदौ ९, २०८१ आइतबार
जस्टिन र हेलीलाई पुत्र लाभ
भदौ ८, २०८१ शनिबार
जापानमा एक्लोपनको डरलाग्दो रिपोर्ट: ६ महिनामा एक्लै बस्ने ३७ हजारको मृत्यु
भदौ १६, २०८१ आइतबार
स्वरेजको दुई गोलमा इन्टर मियामीको सहज जित
भदौ १६, २०८१ आइतबार
पूर्वप्रधानमन्त्री प्रचण्डद्वारा नेपालगञ्ज रंशगालाको अवलोकन
भदौ १६, २०८१ आइतबार
एभर्टनमाथि बोर्नमाउथको शानदार कमब्याक जित
भदौ १६, २०८१ आइतबार
हालाण्डको ह्याट्रिकमा म्यानचेस्टर सिटीको शानदार जित
भदौ १६, २०८१ आइतबार
आज संसदका चार समितिको बैठक बस्दै
भदौ १६, २०८१ आइतबार