fbpx

भारतसँग आश्रित खलङ्गामा नेपाली बिजुली, आवश्यकता परे निर्यात समेत गरिने



नेपालबहस संवाददाता
 



Electricity-tower-nepal

काठमाडौं। दार्चुलाको सदरमुकाम खलङ्गामा विद्मुतको राष्ट्रिय प्रसारण लाइन पुगेको छ। नेपाल विद्मुत प्राधिकरणले बलाँच–खलङ्गा ३३ केभी प्रसारण लाइनको निर्माण सम्पन्न गरी बुधबारबाट संचालनमा ल्याएको हो। अब खलङ्गा नेपालकै विद्मुत प्रणालीमा आवद्ध भएको छ।

प्राधिकरणका कार्यकारी निर्देशक कुलमान घिसिङले दार्चुला सदरमुकाममा राष्ट्रिय ग्रिड पुर्याई आफ्नो उत्पादनबाटै विद्मुत आपूर्ति सुरु गर्नु ठूलो उपलब्धि भएको बताए।

अहिले त्यहाँ भारतको उत्तराखण्डबाट विद्मुत आयात गरी आपूर्ति गरिरहेका थियौं, अब हाम्रै राष्ट्रिय ग्रिड पुगेपछि त्यस क्षेत्रमा आपूर्तिका लागि भारतबाट विद्मुत ल्याउनु पर्दैन, त्यस क्षेत्रमा निर्माण भएका जलविद्मुत आयोजनाबाट उत्पादित विद्मुत आपूर्ति गर्छौं, जसबाट भोल्टेजमा सुधार भई उपभोक्ताले विश्वसनीय र गुणस्तरिय प्रयोग गर्न पाउने छन्’ उनले भने।

उनले आवश्यक परेका बेला खलङ्गाबाट भारततर्फ विद्मुत पठाउने बताए।

प्राधिकरणले खलङ्गामा विद्युत आपूर्तिका लागि उत्तराखण्डको लाली, जोलजीवी र हुटी विन्दुबाट ११ केभी लाइनमार्फत आयात गरिरहेको थियो।
प्राधिकरणले विद्मुत आयात गरेवापत उत्तराखण्ड पावर कर्पोरेसन लिमिटेडलाई मासिक रुपमा करिब २५ लाख रुपैयाँ भुक्तानी गर्दै आएको थियो। खलङ्गा क्षेत्रमा करिब ८ हजार ग्राहक छन्।


सम्बन्धित समाचार