बेवारिसे अवस्थामा यार्सागुम्बा फेला

बर्दिया । जिल्ला प्रहरी कार्यालय बर्दियाका अनुसार बेवारिसे अवस्थामा तीन किलोभन्दा बढी यार्सागुम्बा फेला परेको छ।

बाँसगढी नगरपालिका–५ हाउपुरस्थित सडक छेउको झाडीमा शनिबार करिव साझ साढे ७ बजेतिर दुई वटा पोकामा तीन किलो ५० ग्राम यार्सागुम्बा फेला परेको हो।

इलाका प्रहरी कार्यालय, मोतिपुरबाट प्रहरी निरीक्षक वसन्त गौतमको कमाण्डमा खटिएको गस्ती टोलीले यार्सागुम्बा बरामद गरेको हो।

बाँसगढी प्रहरीका अनुसार, रातो प्लाष्टिकमा टुक्रा टुक्रा ९ सय ५० ग्राम र सोही प्लाष्टिकको बोरामा रहेको अर्को रातो प्लाष्टिकमा सिंगो अवस्थामा रहेको २ किलो सय ग्राम यार्सागुम्बा बरामद गरिएको छ।

प्रहरी निरीक्षक गौतमले बरामद यार्सागुम्बा वन कार्यालयमा बुझाउने तयारी भएको जानकारी दिए। उनका अनुसार यार्सा अलि पुरानोजस्तो देखिन्छ।