विजयी नानीलाई हृदयले बधाई, राम्रो गर्नु : खेमराज पौडेल

१६ मंसिर पोखरा । प्रतिनिधिसभा सदस्यका लागि काश्की–२ मा भएको निर्वाचनमा नेपाल कम्युनिष्ट पार्टी ‘नेकपा’का उम्मेदवार विद्या भट्टराई विजयी भएकी छिन् ।

उनले कुल २४, ३९५ मत पाएकी छिन् भने उनका निकटतम प्रतिद्वन्द्वी ले १५ हजार ९८४ मत पाएका छन् । काश्कीको यो क्षेत्रमा ४५ हजार ५६३ मत खसेको थियो । जितसँगै भट्टराईले आफू सो क्षेत्रको विकासमा समर्पित रहने बताएकी छिन् ।

तत्कालीन पर्यटनमन्त्री रविन्द्र अधिकारीको निधन भएपछि रिक्त रहेको कास्की २ मा सत्तारुढ दल नेपाल कम्युनिस्ट पार्टीबाट रविन्द्रपत्‍नी विद्या भट्टराई, प्रमुख प्रतिपक्षी दल नेपाली कांग्रेसबाट खेमराज पौडेललगायत २१ जना उमेदवारले प्रतिस्पर्धा गरेका थिए ।

तत्कालीन पर्यटन मन्त्री रविन्द्र अधिकारीको हेलिकोप्टर दुर्घटनामा निधन भएपछि कास्की-२ बाट प्रतिनिधि सभाको एक सिट रिक्त भएको थियो । सो पदमा स्व. रविन्द्र पत्नी विद्या विजयी भएकी हुन् ।

यता कांग्रेस उमेदवार पौडेलले मतदातालाई धन्यवाद दिनुका साथै विद्यालाई खादा लगाएर बधाई तथा आगामी कार्यकालको शुभकामना समेत व्यक्त गरेका छन् ।  नेपाली कांग्रेसका उम्मेदवार खेमराज पौडेलले सम्झिदिनु एक निष्ठावान मान्छे चुनाव हारेर पनि हाँस्दै गयो, जुन प्रक्रियाका लागि अर्पित थियो मेरो जीवन भन्दै सामाजिक सञ्जालमा स्टाटस लेखेका छन् ।

५२ मध्ये ५० स्थानको नतिजा सार्वजनिक, नेकपा २९ र कांग्रेसलाई १२ सिट

म ईमानदार रहनेछु कास्कीको म प्रत्येक मत, अनि देशविदेशका हरेकको मायाप्रति। राजनीति जितें, मत जितिनँ तर सायद मन जितें कि जस्तो लाग्छ। विजयी नानीलाई हृदयले बधाई राम्रो गर्नु भनि नेकपाका विजयी उम्मेदवार विद्या भट्टराईलाई शुभकामना दिएका हुन ।

राजनीति जित र हार मात्र होइन यो एउटा उत्सव पनि हो। यसलाइ प्रतिष्ठा होइन निष्ठा संग जोड्नु पर्छ। तर अचेल फ़रक छ राजनीति।  निर्वाचन आयोगका अनुसार स्थानीय तह, प्रदेशसभा र प्रतिनिधिसभा सदस्यका लागि यहि मंसिर १४ गते उपनिर्वाचन भएको हो । प्रतिनिधिसभा सदस्यका लागि कास्की क्षेत्र नम्बर २, प्रदेशअन्तर्गत दाङ क्षेत्र नम्बर ३ को ‘ख’, बाग्लुङ क्षेत्र नम्बर २ ‘ख’ र भक्तपुर–१ ‘ख’ मा निर्वाचन भएको हो ।

देशभरका ५२ स्थानमा भएको उपनिर्वाचनमा धरान उपमहानगरपालिकाको मेयर र धरानकै वडा नम्बर ७ को वडाध्यक्ष बाहेक अन्य ५० स्थानको अन्तिम परिणाम सार्वजनिक भएको छ । एकमात्र प्रतिनिधिसभा कास्की क्षेत्रनम्बर २ सहित २९ स्थानमा नेपाल कम्युनिस्ट पार्टी ‘नेकपा’का उम्मेदवार बिजयी भएका छन् । नेकपाले उपचुनावबाट यसअघि हारेका ३ गाउँपालिका थप्दा यसअघि जितेको एक प्रदेशसभा गुमाएको छ ।

प्रदेशसभाका ३ सिटमध्ये भक्तपुर क्षेत्रनम्बर १ ‘क’ कांग्रेस विजयी हुँदा दाङ क्षेत्रनम्बर ३ ‘ख’मा नेकपा र बागलुङ क्षेत्रनम्बर २ ‘ख’मा नेकपा समर्थित राजमोले जितेका छन् । यसअघि जित्दै आएको धरान उपहानगरपालिकामा नेकपा मतगणनामा शुरुदेखि नै पछि छ । करिब १० हजार मत गन्न बाँकी रहदा नेकपा एक हजार मतले पछि परेको छ । धरानको वडा नम्बर ७ पनि यसअघि नेकपाले नै जितेको थियो ।