सामान्य वृद्धि भएको बजारमा टेवा प्रतिरोध कहाँ ?

२७ माघ, काठमाडौं: साताको दोश्रो कारोवार दिन नेप्से परिसूचकमा सामान्य अंकको वृद्धि देखिएको छ । हिजाे १३ दशमलव ७० अंकले घटेकाे बजारले आज दोश्रो बजार परिसूचकमा ४ दशमलव २८ अंकको वृद्धि देखाएकाे छ । आज २३ लाख ६० हजार कित्ता शेयर खरीद बिक्री भएकोमा कारोवार रकम भने ९३ करोड २० लाख पुगेको छ ।

बजारलाई मुख्य ड्राइभ गर्ने वाणिज्य बैंकको उपसुचकमा सामान्य अंकको वृद्धिसंगै बजारलाई टेवा पुगेको देखिन्छ । आज माईक्रोफाईनान्स उपसुचकमा सर्वाधिक वृद्धि हुँदा हाईड्रोपावर उपसुचकमा सर्वाधिक गिरावट आएको छ ।

बजार १३२० दशमलव ७७ को विन्दुमा खुलेकोमा १३२९ दशमलव ८५ को उच्च विन्दु सम्म पुगेको थियो। बजारले १ बजेर ४० मिनेटमा उच्च विन्दु समातेको थियो । त्यस्तै बजारले १२ बजेर ११ मिनेटमा १३१५ दशमलव ३७ को न्यून विन्दु सम्म पुगेको थियो ।

आज सर्वाधिक कारोवार हुने, कमाउने र गुमाउने कम्पनीहरु:

प्राविधिक बिश्लेषण :
पहिलो प्रतिरोध : १३३० पहिलो टेवा : १३१५

• आज नेप्से बढ्दो प्रवृत्तिमा रहेको छ। कारोबार रकम भने हिजोभन्दा २ करोडले कम रहेको छ ।
• आजको मैनबत्तीले तल्लो भागमा “स्पिनिङ्ग टप”को चित्र बनाएको छ। यसले बजारको प्रवृत्तिमा परिवर्तन हुन सक्ने संकेत गर्दछ ।
• दैनिकी अवधिमा “आरएसआई” ६१ दशमलब ३४ को बिन्दुमा छ । आरएसआईको प्रवृत्तिले बजार बढी हाल्ने जानकारी गराएको देखिन्दैन ।
• “एडिएक्स” तथा जोड र बेजोड “डाइरेक्सनल इन्डेक्स”हरुले  क्रेताको चाप कमजोर भएको जानकारी दिएको छ ।
• बजारको प्रवृत्ति र “अन ब्यालेन्स भल्यूम” एक आपसमा समर्थन भएको देखिन्दैन ।
• नेप्से बढेमा पहिलो प्रतिरोध १३३० को क्षेत्रमा पाउने देखिन्छ र घटेमा पहिलो टेवा १३१५ को क्षेत्रमा पाउने देखिन्छ ।