दरैयाबाट लागूऔषधसहित एक जना पक्राउ

१७ बैशाख मोरङ । विराटनगर महानगरपालिका-१६ दरैयाबाट नियन्त्रित लागूऔषध डाइलेक्स डिसी १५ बोतल, नाइट्राभेट ३० ट्याब्लेट र स्पास्मो प्रोसिभेन प्लस २४ ट्याब्लेट सहित सोही महानगरपालिका-५ बस्ने ३४ वर्षीय दिनवन्धु प्रसाद मोदीलाई मंगलबार दिउँसो प्रहरीले पक्राउ गरेको छ ।

उक्त स्थानमा खटिएको प्रहरीले को.३६ प ५५६० नम्बरको मोटरसाइकल जाँच गर्ने क्रममा तरकारी लगायतका खाद्यन्न सामानहरुभित्र लुकाइछिपाई ल्याउँदै गरेको अवस्थामा उक्त लागूऔषधहरु फेला पारी मोटरसाइकल सहित दिनवन्धुलाई पक्राउ गरेको हो । यस सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।