सोमबार , माघ १२, २०७७

रोजगार कार्यक्रमबाट साढे चार हजारले पाए रोजगारी

रोजगार कार्यक्रमबाट साढे चार हजारले पाए रोजगारी

◊ मनिष खड्का

१५ साउन, रुकुम । रुकुमपश्चिममा आर्थिक वर्ष २०७६/७७ मा साढे चार हजार बढीले रोजगारी पाएका छन् । सङ्घीय सरकारको प्रधानमन्त्री रोजगार कार्यक्रम र कर्णाली प्रदेश सरकारको मुख्यमन्त्री रोजगार कार्यक्रममार्फत जिल्लाका साढे चार हजार बढी बेरोजगारले केही दिनको रोजगारी पाएका हुन् ।

एक आर्थिक वर्षमा कम्तीमा सय दिनको रोजगारीमा सहभागी नभएका बेरोजगार व्यक्तिलाई न्यूनतम रोजगार अर्थात कम्तीमा एक सय दिन रोजगारी उपलब्ध गराउने उद्देश्यले ल्याइएको प्रधानमन्त्री र मुख्यमन्त्री रोजगार कार्यक्रममार्फत जिल्लामा बेरोजगारले बढीमा २० देखि २५ दिनसम्मको रोजगारी पाएका छन् ।

खानेपानी, भवन, शौचालय, खेलमैदान, गारेटो बाटो, सडक मर्मतसहित क्वारेन्टाइन निर्माणसम्ममा बेरोजगारलाई रोजगारी दिइएको छ । स्थानीय तहले छनोट गरेका बेरोजगारमध्ये प्रधानमन्त्री रोजगार कार्यक्रममार्फत गत वर्ष जिल्लाभरमा दुई हजार ४१३ र मुख्यमन्त्री रोजगार कार्यक्रममार्फत दुई हजार २६७ गरी कूल चार हजार ६८० जनाले रोजगार पाएका हुन् ।

मुसिकोट नगरपालिकामा प्रधानमन्त्री रोजगार कार्यक्रमबाट ४५० र मुख्यमन्त्री रोजगार कार्यक्रमबाट २८३, चौरजहारी नगरपालिकामा प्रधानमन्त्री रोजगार कार्यक्रमबाट १०३ र मुख्यमन्त्री रोजगार कार्यक्रमबाट २८७ तथा आठबीसकोट नगरपालिकामा प्रधानमन्त्री रोजगार कार्यक्रमबाट ३०० र मुख्यमन्त्री रोजगार कार्यक्रमबाट २०० बढीले रोजगारी पाएका छन् ।

त्यस्तै बाँफिकोट गाउँपालिकामा प्रधानमन्त्री र मुख्यमन्त्री रोजगार कार्यक्रममार्फत सात/सात सय बढी, त्रिवेणी गाउँपालिकामा प्रधानमन्त्री रोजगार कार्यक्रममार्फत ५४५ र मुख्यमन्त्री रोजगार कार्यक्रममार्फत ६१३ तथा सानीभेरी गाउँपालकामा प्रधानमन्त्री रोजगार कार्यक्रममार्फत २४६ र मुख्यमन्त्री रोजगार कार्यक्रममार्फत २५२ जनाले केही दिनको रोजगारी पाएका छन् ।

कम्तीमा एक सय दिनको रोजगारी दिने भनिएपनि जिल्लामा बढी रोजगारी पाउनेले २० देखि २५ दिनको मात्र रोजगारी पाएका छन् । बजेट कम भएको र वेरोजगारको संख्या बढी भएका कारण सबैलाई रोजगारी दिनुपर्दा वेरोजगारहरुले कमै दिन रोजगारी पाएको मुसीकोट नगरपालिकाका निमित्त प्रमुख प्रशासकिय अधिकृत नरविर खड्काले बताए ।

त्यस्तै यो वर्ष लकडाउनका कारण बेरोजगारको सुचिमा सूचिकृत भएका भन्दा अरु व्यक्तिले पनि काम गरेकाले भने जति रोजगारी दिन नसकिएको उनको भनाइ छ । मुसीकोट नगरपालिकाले प्रधानमन्त्री रोजगार कार्यक्रममा रु ७१ लाख ८० हजार र मुख्यमन्त्री रोजगार कार्यक्रममा रु ६४ लाख बजेट खर्च गरेको छ ।

चौरजहारी नगरपालिकाले मुख्यमन्त्री रोजगार कार्यक्रममा रु एक करोड तीन लाख ७८ हजार र प्रधानमन्त्री रोजगार कार्यक्रममा रु ३८ लाख २६ हजार तथा आठबीसकोट नगरपालिकाले प्रधानमन्त्री रोजगार कार्यक्रममा रु ६६ लाख ८९ हजार र मुख्यमन्त्री रोजगार कार्यक्रममा रु ६४ लाख ४० हजार खर्च गरेको जनाएको छ ।

बाँफिकोट गाउँपालिकाले मुख्यमन्त्री रोजगारका लागि रु एक करोड तीन लाख ७२ हजार र प्रधानमन्त्री रोजगारका लागि रु ४२ लाख ८८ हजार, त्रिवेणी गाउँपालिकाले प्रधानमन्त्री रोजगारका लागि रु ५६ लाख ३६ हजार र मुख्यमन्त्री रोजगारका लागि रु ३६ लाख चार हजार १० तथा सानीभेरी गाउँपालिकाले मुख्यमन्त्री रोजगारमा रु ६४ लाख र प्रधानमन्त्री रोजगारमा रु ५३ लाख ७२ हजार खर्च गरेको छ । रासस

प्रतिक्रिया

पढ्न लाग्ने समय : 0 मिनेट

सम्बन्धित समाचार

नेपालबहस ट्रेन्डिङ

लोकप्रिय

मेक्सिकोका राष्ट्रपतिलाई पनि कोभिड–१९ संक्रमण मेक्सिकोका राष्ट्रपतिलाई पनि कोभिड–१९ संक्रमण ७ घण्टा पहिले
सेफ बुढाथोकी न्यूजलाइन्स सम्मान–२०२१ बाट सम्मानित सेफ बुढाथोकी न्यूजलाइन्स सम्मान–२०२१ बाट सम्मानित १० घण्टा पहिले
एनसीसी बैंकले नेप्सेलाई भन्यो– ‘शेयरमूल्यमा प्रभाव पार्ने कुनै काम गरेका छैनौ’ एनसीसी बैंकले नेप्सेलाई भन्यो– ‘शेयरमूल्यमा प्रभाव पार्ने कुनै काम गरेका छैनौ’ ९ घण्टा पहिले
आरटीजीएस प्रणालीमा नेपाल क्लियरिङ हाउसले थप १० संस्था गर्यो आबद्ध , यी हुन् आबद्ध भएका बैंक वित्तहरु ? आरटीजीएस प्रणालीमा नेपाल क्लियरिङ हाउसले थप १० संस्था गर्यो आबद्ध , यी हुन् आबद्ध भएका बैंक वित्तहरु ? १० घण्टा पहिले
क्लियरिङ हाउस र थप १० बैंक तथा वित्तीय संस्थाबीच आरटीजीएस प्रणाली संचालन क्लियरिङ हाउस र थप १० बैंक तथा वित्तीय संस्थाबीच आरटीजीएस प्रणाली संचालन १२ घण्टा पहिले
विषम मौसमी घटनाबाट यस शताब्दीमा चार लाख ८० हजारको मृत्यु विषम मौसमी घटनाबाट यस शताब्दीमा चार लाख ८० हजारको मृत्यु ८ घण्टा पहिले
उपत्यकामा १५४ जना नयाँ कोरोना संक्रमित थपिए उपत्यकामा १५४ जना नयाँ कोरोना संक्रमित थपिए ६ घण्टा पहिले
दशलाल मण्डल अधिकार मञ्चको अध्यक्षमा पुनः निर्वाचित दशलाल मण्डल अधिकार मञ्चको अध्यक्षमा पुनः निर्वाचित १० घण्टा पहिले