ट्रम्पले बलात्कार गरेको पूर्वमोडल डोरिसको दाबी

२ असोज, एजेन्सी । चुनाव नजिकिएका बेला अमेरिकी राष्ट्रपति डोनाल्ड ट्रम्पमाथि यौन दूव्र्यवहार र बलात्कार गरेको आरोप लाग्न थालेको छ । अमेरिकी पूर्वमोडेल एमी डोरिसले २३ वर्षअघि ट्रम्पले आफूमाथि बलात्कार गरेको आरोप लगाएकी छिन् ।

द गार्जियन पत्रिकालाई उनले शुरुमा आफू ट्रम्पबाट यौन दुव्र्यवहारको शिकार भएको बताएकी उनले पछि आफूमाथि ट्रम्पले बलात्कार समेत गरेको आरोप लगाएकी हुन् । आफू २४ वर्षको उमेर हुँदा ट्रम्पले यौन दुर्व्यवहार गरेको उनको आरोप छ ।

यो आरोपछि उनको बारेमा सोधीखोजी गर्दा डोरिस र ट्रम्प एकसाथ रहेको फोटो समेत बाहिरिएका थिए । त्यसपछि उनलाई जिज्ञासा राख्दा ट्रम्पले आफूमाथि बलात्कार समेत गरेको डोरिसले बताएको अन्तराष्ट्रिय सञ्चारमाध्यमले जनाएका छन् ।

अघिल्लो चुनावका बेला आफूले यसबारे बोल्ने प्रयास गरेपनि त्यतिबला हिम्मत जुटाउन नसकेको उनको आरोप छ । तर अहिले आफू निर्धक्कसँग बोल्ने पनि डोरिसको भनाई छ । यौन दुव्र्यवहारको आरोप लागेपनि चार बर्षअघि ट्रम्पले हिराली क्लिन्टनलाई हराउँदै चुनाव जितेका थिए ।

अहिले डेमोक्रेटिक पार्टीका जोय बाइडन राष्ट्रपतिका उम्मेद्वार छन भने रिपब्लिकका तर्फबाट ट्रम्प दोस्रो कार्यकालका लागि चुनाव लड्दै छन् ।