एकैदिन १७ बर्षीया दुई किशोरी बलात्कृत !

२२ असोज, ताप्लेजुङ । दैनिक बलात्कारका घटना आइरहेका बेला ताप्लेजुङ र धनुषामा १७ बर्षीया किशोरी बलात्कृत भएकी छिन् । ताप्लेजुङमा १७ बर्षीया किशोरी बलात्कार गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा आठराई त्रिवेणी गाउँपालिका ३ बस्ने संखुवासभा चैनपुर नगरपालिका १ घर भएका ३१ वर्षीय दावा शेर्पा छन् । मंगलबार राति प्रहरीले उनलाई पक्राउ गरेको हो ।

शेर्पाले ती किशोरीलाई बलात्कार गरेको खबर पाएपछि प्रहरी गाउँ पुगेको थियो । यस्तै धनुषामा पनि १६÷१७ बर्षीया किशोरी पनि बलात्कृत भएकी छिन् ।

किशोरीलाई बलात्कार गर्ने लक्ष्मीनियाँ गाउँपालिका ५ बनिनियाँ भंगाहा बस्ने २४ वर्षीय दिपक कुमार यादवलाई प्रहरीले पक्राउ गरेको छ । दिपकले ती किशोरीलाई बलात्कार गरेपछि उनले प्रहरीमा उजुरी दिएकी थिइन् ।

दुवै घटनामाथि थप अनुसन्धान भइरहेको प्रहरीले जनाएको छ ।