थपिए २९४२ संक्रमित, थप १२ जनाको मृत्यु

२ कार्तिक, काठमाडौं । पछिल्लो चौबिस घण्टामा नेपालमा २ हजार ९४२ जनालाई कोरोना संक्रमण पुष्टि भएको छ । आइतबार विभिन्न प्रयोगशालामा परीक्षण गर्दा २ हजार ९४२ जनालाई संक्रमण पुष्टि भएको हो । यससँगै नेपालमा संक्रमितको सङ्ख्या १ लाख ३२ हजार दुई सय ४६ पुगेको छ ।

पछिल्लो २४ घण्टामा १४ हजार आठ सय ७५ जनाको नमुना परीक्षण गरिएको मन्त्रालयले जनाएको छ । त्यस्तै गएको २४ घण्टामा दुई हजार तीन सय २६ जना निको भएर फर्किएसँगै डिस्चार्ज हुनेको सङ्ख्या ९२ हजार एक सय ६६ पुगेको छ ।

अहिले ३९ हजार तीन सय ४१ जना सक्रिय आइसोलेशनमा छन् । यस्तै चार हजार आठ सय ३१ जना क्वारेन्टाइनमा रहेका छन् । यस्तै पछिल्लो २४ घण्टामा १२ जनाको कोरोनाले मृत्यु भएको छ । यससँगै कोरोनाबाट मृत्यु हुनेको संख्या ७ सय ३९ पुगेको छ ।