तिलाठी कोइलाडी गाउँपालिकाद्वारा निःशुल्क धानबाली काट्न सुरु, किसान खुशी
नेपालबहस संवाददाता
कात्तिक २५, २०७७ बुधबार १:१३:६
धीरुभाइ
२५ कात्तिक सप्तरी । सप्तरीको तिलाठी कोइलाडी गाउँपालिकाले किसानलाई सहुलियत दिने उद्देश्यले मंगलबारदेखि निःशुल्क रुपमा धानबालीको कटान सुरु गरेको छ । धान काट्ने जनशक्ति नपाइने भएकोले किसानहरुले समस्या भोग्दै आएका थिए । धान काट्ने रिपर मेसिनमार्फत धानबालीको कटान थालिएपछि किसानहरु खुशी भएका छन् ।
“धान काट्ने जनशक्ति पाइरहेको थिएन, यस्तो अवस्थामा गाउँपालिकाले सबै किसानको धान निःशुल्क काटि दिने निर्णय गरेपछि हामीलाई धेरै सहुलियत भएको छ” तिलाठी कोइलाडी गाउँपालिका वडा नं. ६ का खुशेश्वर यादवले बताए ।
“कोरोना भाइरसको महामारीको कारण काट्ने जनशक्ति नपाएको र पाकी सकेको धानबाली खेतमै झरेर नोक्सानी हुन सक्ने भएकोले किसानहरुलाई सहयोग गर्न भनी हामीले धानबाली निःशुल्क काटिदिने निर्णयमा पुग्यौं”, तिलाठी कोइलाडी गाउँपालिकाका अध्यक्ष सतिशकुमार सिंहले बताए ।
कोरोना भाइरस रोकथाम तथा नियन्त्रण गर्न एकातिर हामी सबै लागेका छौं भने अर्कोतिर किसानले निक्कै लगानी र मिहनेत गरी लगाएको धानबाली समयमै काट्न नसक्दा समस्या हुने देखेर गाउँपालिकाले निःशुल्क रुपमा कटान सुरु गरेको अध्यक्ष सिंहले बताए । मंगलबारदेखि चार वटा मेसिन लगाई वडा नं. ६ को. मधेपुराबाट धानबालीको कटान थालिएको हो । गाउँपालिकाले चार वटा ट्याक्टर र चार वटा रिपर मेसिन खरिद गरी धानबालीको कटान सुरु गरेको गाउँपालिकाका कार्यक्रम अधिकृत राजेशकुमार झाले बताए ।
एउटा वडामा दुई वटा मेसिन मार्फत धानबाली कटान गरिने र त्यसकालागि गाउँपालिकाका किसानलाई खबरसमेत गरिएको उनले जानकारी दिए । गाउँपालिकाको ८ वटै वडामा गरी करिब एक हजार पाँच सय विघाभन्दा बढीमा लगाइएको धानबालीको कटानको खर्च गाउँपालिकाले ब्यहोर्ने र मेसिन लगाएर काटिने गहुँ सम्बन्धित किसानले आफै भित्र्याउने गाउँपालिकाका प्रमुख प्रशासकीय अधिकृत केशवकुमार झाले जानकारी दिए ।
यसअघि लकडाउनको कारण किसानको खेतमै रहेको गहुँबाली गत चैत्र महिनामा गाउँपालिकाले खर्च ब्यहोरेर कटान गरिएको विपद् ब्यवस्थापन अधिकृत राजेश कुमार झाले बताए । सात सय विघाको गहुँबाली कटान गर्ने लक्ष्य लिएपनि करिब अढाई सय विघामा लगाइएको गहुँबाली कटान गरिएको उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमौरीपालनतर्फ किसानको आकर्षण बढ्दो
बैशाख २६, २०८१ बुधबार
शिक्षण छाडेर पशुपालनमा रमाइरहेका गोपाल
बैशाख २६, २०८१ बुधबार
भैँसी पाल्ने किसानलाई पचास हजार दिने
बैशाख २६, २०८१ बुधबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
३ अर्बको ऋणपत्र निष्कासन गर्दै नबिल बैंक, बिक्री प्रबन्धकमा नेपाल एसबीआई मर्चेण्ट बैंकिङ
बैशाख २६, २०८१ बुधबार
एकसाता अघि कलंकीबाट हराएकी स्नेह पशुपतिमा भेटिइन्
बैशाख २६, २०८१ बुधबार
महाकाली नदीको टापुमा १४ वटा ट्र्याक्टरसहित थुनिए २७ जना भन्दा बढी मजदुर
बैशाख २६, २०८१ बुधबार
त्रिभुवन विमानस्थलमा पार्किङमा राखिएका विमानहरु
बैशाख २६, २०८१ बुधबार
यात्रु भएर गृहसचिव विमानस्थल छिर्दा ...
बैशाख २६, २०८१ बुधबार
गृृहमन्त्री रविको बचाउ प्रकरणले महान्यायाधिक्ता विवादमा
बैशाख २६, २०८१ बुधबार
१० महिनामा चितवन राष्ट्रिय निकुञ्जबाट ६ वटा बाघ मृतवस्थामा भेटिए
बैशाख २६, २०८१ बुधबार
अछाम र बाजुरामा विद्युत सेवा बन्द
बैशाख २६, २०८१ बुधबार