हिन्दु विश्वविद्यालय खोल्दै पशुपति क्षेत्र विकास कोष

२१ माघ,काठमाडौं । पशुपति क्षेत्र विकास कोषले हिन्दु विश्वविद्यालय स्थापना गर्ने भएको छ। अहिले विकास कोषको गुरुयोजना बनिरहेको र सोहि अनुसार हिन्दु विश्वविद्यालय सञ्चालनमा ल्याउन लागिएको हो ।

पूर्वीय दर्शन, धर्म, अध्यात्मक र संस्कृत भाषालाई जगेर्ना गर्ने उद्देश्यले एकेडेमिक रूपमै विश्वविद्यालयको अवधारणा ल्याइएको छ । हिन्दु विश्वविद्यालयका लागि भने अहिले प्रारम्भिक अध्ययन भइरहेको छ । अध्ययन पश्चात उक्त योजनाको डिपिआर बनाईने बताएको छ ।

कागेश्वरी मनहरा नगरपालिकाको गोठाटारमा पशुपति क्षेत्र विकास कोषको ५३४ रोपनी जमिन छ। त्यसैमा विश्वविद्यालय, अस्पताल, गौशाला, वृद्धाश्रम र पशुपति बाटिका उद्यान बनाउने योजनामा विकास कोष रहेको छ । वृद्धाश्रम भने निर्माण सुरू नै भइसकेको छ।

पशुपति क्षेत्र विकास कोषले हाल नेपाल वेद विद्याश्रम स्कुल सञ्चालन गरिरहेको छ। त्यहाँ कक्षा १२ सम्म पढाइ हुने गर्दछ ।