हेटौंडाबाट सर्वसाधारणसँग पैसा मागेको आरोपमा एकजना पक्राउ

२९ चैत, काठमाडौं । सर्वसाधारणबाट प्रहरीसँग मुद्धा मिलाई दिन्छु भन्दै पैसा माग्नेलाई नेपाल प्रहरीले नियन्त्रणमा लिएको छ । प्रहरीले सर्वसाधारणसँग पैसा मागेको आरोपमा हेटौंडाबाट एकजनालाई पक्राउ गरेको छ ।

पक्राउ पर्नेमा हेटौंडा उपमहानगरपालिका–१ का ३० वर्षीय सन्जोग लामा रहेका छन् । उनलाई प्रहरीले शनिबार साँझ पक्राउ गरेको हो ।

लामाले आफू लेखनदासको काम गर्ने र प्रहरीसँग जुनसुकै काम गराइदिन्छु भन्दै सर्वसाधारणसँग रकम माग्ने गरेको गुनासो आएको जिल्ला प्रहरी कार्यालय मकवानपुरले जनाएको छ ।