बोटलर्स नेपाल (तराई) कम्पनी र रू रू जलविद्युतको सर्किट लेबलमा कारोबार, प्रतिशेयरमूल्य कति ?

३० वैशाख, काठमाडौं । बिहीबार शेयरबजारमा बोटलर्स नेपाल (तराई) कम्पनीको रू रू जलविद्युत् परियोजना लिमिटेडको शेयरमूल्य सर्किट लेभलमा कारोबार भएको छ ।

यस दिन बोटलर्स नेपाल (तराई) कम्पनीको शेयरमूल्यमा अघिल्लो कारोबार दिनको तुलनामा १० प्रतिशतले वृद्धि भएको छ । त्यस्तै, रु रु जलविद्युतको ९ दशमलव ८९ प्रतिशतलेवृद्धि भएको छ ।

रू रू जलविद्युतको शेयरमूल्य प्रतिकित्ता ८०० पुगेको छ । कम्पनीको शेयर कारोबारमा आएको दोस्रो सातासम्म लगातार सर्किट लेबलमा वृद्धि हुँदै आएको छ ।

यो समाचार तयार पार्दाको समय ११ः१० बजेसम्ममा मार्केट डेप्थमा कम्पनीको शेयरमा खरीद माग २ लाख ६० हजार भन्दा बढी छ भने विक्री माग शून्य रहेको छ ।

बोटलर्स नेपाल (तराई) कम्पनी

बोटलर्स नेपाल (तराई) कम्पनीको शेयरमूल्य सर्वाधिक १० प्रतिशत बढेको हो । कम्पनीको शेयर मूल्य प्रतिकित्ता १२ हजार १७८ रुपैयाँ पुगेको छ ।

कम्पनीको शेयर कारोबार सर्किट लेबलमा वृद्धि हुँदै आएको छ ।

यो समाचार तयार पार्दाको समय ११ः १० बजेसम्ममा मार्केट डेप्थमा कम्पनीको शेयरमा खरीद माग ९३८ छ भने विक्री माग ५ सय ५ रहेको छ ।