दश महिनामा निर्जीवन बीमा कम्पनीकाे करिब २५ अर्ब बीमा शुल्क संकलन, अग्रस्थानमा शिखर रहँदा पुच्छरमा सानिमा जनरल इन्स्योरेन्स

१९ जेठ, काठमाडौं । चालु आर्थिक वर्षको १० महिनामा निर्जीवन बीमा कम्पनीहरुले साढे २४ अर्ब ७० करोड रुपैयाँ बढी बीमा शुल्क संकलन गरेका छन् ।

हाल निर्जीवन बीमा व्यवसाय गर्न २० वटा कम्पनीहरु सञ्चालनमा छन् । यी कम्पनीहरुले ०७७ असार मसान्तयता ०७७ बैशाख मसान्तसम्म २४ अर्ब ७० करोड रुपैयाँ रुपैयाँ बीमा शुल्क संकलन गरेको बीमा समितिले जनाएको छ ।

हाल संचालनमा रहेका कम्पनीमध्ये राष्ट्रिय बीमा कम्पनीको तथ्यांक भने समावेश गरिएको छैन । सो अवधिमा १९ वटा निर्जीवन बीमा कम्पनीहरुले अग्नी, मोटर, सामुन्द्रीक, हवाई, कृषि तथा बाली, इन्जिनियरिङ, कोरोना र अन्य विविध बीमा लेख बिक्री उक्त परिमाणमा बीमा शुल्क संकलन गरेका हुन् ।

जसमध्ये १२ वटा कम्पनीले १ अर्ब रुपैयाँदेखि ३ अर्ब १९ करोड रुपैयाँसम्म ७ वटा कम्पनीले ५२ करोड रुपैयाँदेखि १ अर्ब रुपैयाँसम्म कुल बीमा शुल्क संकलन गरेका छन् ।

चालु आवको १० महिनामा सबैभन्दा बढी शिखर इन्स्योरेन्सले र सबैभन्दा थोरै सानिमा जनरल इन्स्योरेन्सले कुल बीमा शुल्क संकलन गरेका छन् ।

बैशाख मसान्तसम्म शिखर इन्स्योरेन्सले ३ अर्ब १९ करोड रुपैयाँ, सगरमाथा इन्स्योरेन्सले २ अर्ब ९ करोड रुपैयाँ र नेको इन्स्योरेन्सले २ अर्ब ८ करोड रुपैयाँ कुल बीमा शुल्क संकलन गरेका छन् ।