फेरि अर्को हाइड्रोपावर कम्पनी आईपीओ निष्कासनको अनुमति माग्दै पुग्यो धितोपत्र बोर्ड

१ असार, काठमाडौं । अपर हेवा खोला हाइड्रोपावर कम्पनीले आईपीओ निष्कासन गर्नका लागि नेपाल धितोपत्र बोर्डमा निवेदन दिएको छ ।

कम्पनीले २० लाख कित्ता आईपीओ निष्कासन गर्नका लागि गत जेठ २ गते बोर्डमा निवेदन दिएको हो । विक्री प्रबन्धकमा एनएमबि क्यापिटल लिमिटेड रहेको छ ।

कम्पनीले प्रदेश नं १ अन्तर्गत संखुवासभा जिल्लाको पाँचखपन र चैनपुर नगरपालिका भएर बहने हेवाखोलामा ८ दशमलव ५ मेगावाट क्षमताको जलविद्युत् आयोजना निर्माण गरिरहेको छ।