कतारमा विश्वकप हेर्न आउनेलाई कोरोना खोप दिने तयारी

७ असार, काठमाडौं । कतारले विश्वकप हेर्न आउने सबैलाई कोरोना खोप दिने तयारी गरेको छ । सन् २०२२ मा हुने विश्वकप फुटबल हेर्न आउने १० लाख फुटबलप्रेमीलाई कतारले कोरोना भाइरस ‘कोभिड–१९’ विरुद्धको खोप लगाइदिने तयारी गरेकाे हाे ।

कतारका प्रधानमन्त्री शेख खलिद बिन खलिफा अल थानीले विश्वकप हेर्न आउने सबैलाई कोरोना खोप दिने विषयमा पनि कम्पनीहरुसँग छलफल भइरहेको बताएको बीबीसीले जनाएको छ ।

फिफा विश्वकप आउँदासम्म अधिकांश मुलुकले आफ्ना नागरिकहरुलाई कोरोना खोप लगाइसकेका हुनेछन् । तर खोप नलगाएका व्यक्तिलाई रंगशालामा प्रवेश गर्न नदिने पनि कतारले बताएको छ ।

विश्वकपको आयोजनाबाट मुलुकलाई आर्थिक रुपमा ठूलो फाइदा हुने कतारले विश्वास लिएको समाचारमा उल्लेख छ ।