माओवादी नतिजाप्रति सन्तुष्ट छैन्, कांग्रेसको बढी अराजकताले गठबन्धनका उम्मेदवार हार्ने भएः नेता गजुरेल

१ जेठ, काठमाडौं ।  नेकपा माओवादी केन्द्रले स्थानीय तह निर्वाचनको प्रारम्भिक परिणामप्रति असन्तुष्टि जनाएको छ । गठबन्धन दलहरूबीच भएको तालमेलको मर्मअनुसार अधिकांश ठाउँमा कांग्रेसले गठबन्धनमा रहेका अन्य दलका उम्मेदवारहरूलाई मत नदिएको प्रारम्भिक मत परिणामले पुष्टि गरेको माओवादी नेता हरिबोल गजुरेलले बताए ।

गठबन्धनका अन्य दलका मतदाताले तालमेल हुँदा कांग्रेसबाट जुन पदमा उम्मेदवारी दिए त्यो इमान्दारीपूर्वक मत दिएको देखियो तर कांग्रेसबाट नदेखिएको उनले बताए । बागी उठेकालाई भोट दिएर जिताउने तर, गठबन्धन दलहरूबीचको तालमेलको मर्मअनुसार मत उम्मेखवारलाई मत नदिएर कांग्रेसबाट अराजकता प्रदर्शन भएको गजुरेलको भनाई छ ।

कांग्रेसबाट बागी उम्मेदवार भएर जनकपुर उपमहानगरपालिकामा मनोजकुमार शाहले अग्रता लिइरहेका छन् । गठबन्धनका उम्मेदवार लालकिशोर साहको निकै कम मत छ । पाँचथरको फालेलुङ गाउँपालिका–१ मा त कांग्रेसकै बागी अनिश गुरागाइँले गठबन्धनको उम्मेदवारलाई पराजित गरे । काभ्रेको धुलिखेलमा पनि कांग्रेसका बागी उम्मेदवार शक्तिशाली देखिएका छन् । अन्य स्थानीय तहमा पनि छ ।

परिणाम सोचे जस्तो आउने नदेखिएको र नआउने देखिनुमा कांग्रेस जिम्मेवार रहेको नेता गजुरेलले बताए । तर, पनि माओवादीले यस पटक २०७४ सालमा भन्दा बढी स्थानीय भने जित्ने उनको दाबी छ ।