स्याङ्जाको भानु मावि केन्द्रमा रोकिएको मतदान सुरु

४ मंसिर, स्याङ्जा । राजनीतिक दलका प्रतिनिधिबीच विवाद हुँदा स्थगित भएको स्याङजाको चापाकोट नगरपालिका–१ आँधीचौधेरास्थित भानु माद्यामिक विद्यालयमा रहेको मतदानस्थलमा पुनः मतदान सुरु भएको छ ।

एमाले निकट वडा सदस्यले हातपात गरेपछि विवाद हुँदा मतदान स्थगित भएको थियो । कार्यकर्ताबीच विवाद चर्किँदै जाँदा परिस्थिति नियन्त्रण बाहिर जान नदिन भन्दै  प्रहरीले हवाइ फायरसमेत गरेको थियाे । सर्वदलीय बैठकमा छलफल भएपछि विवाद मिलाएर मतदान सुरु गरिएको प्रहरीले जनाएको छ ।