लागु औषध सहित २ जना पक्राउ

२३ भदौ, काठमाडौं । महानगरीय प्रहरी प्रभाग नागढुङगाले लागुऔषध ब्राउनसुगर सहित १ जनालाई पक्राउ गरेको छ । प्रहरीले चन्द्रागिरी नगरपालिका–२ नागढुङगा चेकपोष्टमा काकरभित्ताबाट काठमाण्डौं आउदै गरेको ना.७ ख.१०५५ नम्बरको यात्रुबाहक सवारी साधनलाई चेकजाँच गर्दा ईलामका कञ्चन प्रधानलाई पक्राउ गरेको हो । प्रधानले लुकाई छिपाई ल्याएको अबस्थामा चेकजाँच गर्दा प्रहरीले ४७.७ ग्राम ब्राउनसुगर बरामद गरेको हो ।

यस्तै, महानगरीय प्रहरी प्रभाग कपनले लागुऔषध सहित बुढानिलकण्ठ नगरपालिका १२ मिलन चोकबाट सुनिल थपलियालाई पक्राउ गरेको छ । बुढानिलकण्ठ नगरपालिका–१० कपन बस्ने थपलियाको साथबाट प्रहरीले फेनरागन, नुफिन र डाईजेपाम गरि ११ एम्पुल बरामद गरेको छ । दुबै घटना थप अनुसन्धान भइरहेको प्रहरीले जनाएको छ ।