बिरामी ओलीलाई छोडेर चीन जाने प्रचण्डको घोषणा
नेपालबहस संवाददाता
मंसिर १३, २०७६ शुक्रबार २३:४५:२२
१३ मंसिर, काठमाडौं । नेपाल कम्युनिष्ट पार्टी (नेकपा) भित्र दौडधुप मच्चिएको छ । एकातिर पार्टी अध्यक्ष एवं प्रधानमन्त्री खड्गप्रसाद ओली सिकिस्त बिरामी भएर अस्पताल भर्ना भएका छन् । परराष्ट्रमन्त्री प्रदीपकुमार ज्ञवाली रुसी महासङ्घ र गणतन्त्र सर्बियाको औपचारिक छोट्याएर आज काठमाडौं आएका छन् ।
नेकपाका अर्का वरिष्ठ नेता माधवकुमार नेपाल टर्की र मेसोडोनियाको भ्रमण गरी भाेली स्वदेश फर्कने तयारीमा छन् । टर्कीको इस्तानबुलमा आयोजना हुने ‘दशौँ बोस्फोरस सम्मेलन’ मा सहभागी हुन उनी मङ्सिर ६ गते त्यसतर्फ प्रस्थान गरेका थिए । टर्कीपछि उनी मेसोडोनिया गएका थिए । मेसोडोनियामा रहँदा उनले त्यहाँका राष्ट्रपति र प्रधानमन्त्रीसंग भेटवार्ता गरेकाे खबहरू बाहिरिएका छन् ।
आज नै सत्तारुढ नेकपाका अध्यक्ष पुष्पकमल दाहाल प्रचण्डले आफ्नो नेतृत्वमा एक टोली छिट्टै चीन भ्रमणमा जान लागेको खुलासा गरेका छन् । नेपाल–चाइना मिडिया फोरमले आयोजना गरेको कार्यक्रममा अध्यक्ष दाहालले चिनियाँ कम्युनिष्ट पार्टीको निमन्त्रणामा चाँडै नै टोली चीन भ्रमणमा जाने बताए ।
कार्यक्रममा बोल्दै अध्यक्ष दाहालले चीन, भारत र नेपालको सम्बन्धका बारेमा ‘दुई प्लस वान’ उपयुक्त नभएको भन्दै त्रिदेशीय सम्बन्ध हुनुपर्ने चर्चा पनि गरे । चीन र भारतसँग त्रिदेशीय रणनीतिक साझेदारी चाहेको भन्दै दाहालले सी चिन फिङ र भारतीय प्रधानमन्त्री नरेन्द्र मोदीबीच भएको ‘टु प्लस वान’ अवधारणा उपयुक्त नभएको कुरामा जोड दिए ।
उनले भने ‘पटक–पटक मैले त्रिदेशीय साझेदारीको कुरा गर्दै आएको छु । यद्यपी पछिल्लो पटक चीनका राष्ट्रपति र भारतका प्रधानमन्त्रीबीचको छलफल हुँदा त्रिदेशीय साझेदारीको रणनीति अन्तर्रगत ‘टु प्लस वान’ भन्ने शब्द प्रयोग भएको छ । यो शब्द जसरी प्रयोग भएको छ र यसले जे अर्थ बोक्न खोजेको छ, मलाईचाँही त्यति उपयुक्त लागेको छैन । यो त्रिदेशीय नै हो र हुनुपर्छ ।’ उनले अगाडि भने – चिनियाँ राष्ट्रपति नेपाल भ्रमणमा आउँदा भारतकोबाटो भएर आएको कुरालाई हामीले वेवास्ता गर्न हुँदैन ।
उता भ्रमण पूरा गरी शुक्रबार स्वदेश फर्किएका परराष्ट्रमन्त्री ज्ञवालीले सञ्चारकर्मीसँग कुरा गर्दै भ्रमणका क्रममा दुवै देशका समकक्षीसँग भेटवार्ता भएको र सो अवसरमा द्विपक्षीय आपसी हित तथा साझा चासोका विषयमा विचार विमर्श भएको जानकारी दिए ।
भारतले एकपक्षीय रुपमा नक्सा जारी गरेको महिनादिन बित्न लाग्दा पनि आज दुवै नेताले केही बोलेनन् । न त नेकपाका अन्य नेताहरूले नै यस विषयमा खुलेर बोलेका छन् । दुई तिहाइ समर्थन प्राप्त बलियो सरकार मुलुकमा क्रियाशिल छ तर एक जना प्रधानमन्त्री बिरामी हुँदा सरकारका सबै अंगहरुमा शिथिलता आएको छ भने नेकपाका नेताहरुमा किन्चत पनि राष्ट्रियताको सवालमा खुलेर बोल्ने ल्याकत देखिएको छैन । सत्ता बाहिर रहँदा सँधै भरी नाराजुलुस र मसालजुलुस गरेर जनतालाई सास्ति दिन खप्पिस कम्युनिष्ट नेतृत्व अहिले सत्तामा हावी हुँदा पनि त्यो मानसिकताबाट बाहिर देखिएका छैनन् ।
प्रधानमन्त्री ओली आफैँ असक्त छन् । उता अर्का अध्यक्ष प्रचण्डको व्यवहार र कार्यशैलीबाट पूर्वएमालेहरु सन्तुष्ट छैनन् भने क्याबिनेट भित्रका ओलीका विश्वासपात्र आज मात्र विदेश सयर गरेर काठमाडौं आएका छन् । अहिले नेकपा नेतृत्वले देखाएको यस्तो रबैयाको शिकार आम नेपाली हुनुपरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार
पार्टीमा वैचारिक मतभेद छैनः अध्यक्ष नेपाल
असार ३, २०८१ सोमबार
राष्ट्रपति पौडेललाई बर्लिनमा गार्ड अफ अनर
असार ३, २०८१ सोमबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
टीम इन्डियाले सुपर-८ खेलमा कुन कुन टिमसँग भिड्दैछ ?
असार ३, २०८१ सोमबार
मनसुन देशभर फैलन अझै साता दिन लाग्ने !
असार ३, २०८१ सोमबार
सशस्त्र प्रहरीमा दुई डीआईजीलाई स्पष्टीकरण !
असार ३, २०८१ सोमबार
यसवर्षको मनसुनबाट कोशीमा एक लाखभन्दा बढी घरधुरी प्रभावित हुने आकलन
असार ३, २०८१ सोमबार
काठमाडौंमा ‘कनेक्टिङ कर्णाली’ सम्पन्न
असार ३, २०८१ सोमबार
लहानका बस्तीमा डकैतीको अफवाह नफैलाउन र भ्रममा नपर्न प्रहरीको आग्रह
असार ३, २०८१ सोमबार
राष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार