हरियाली स्कुल कार्यक्रममा अघि बढ्दै मन्थली मावि
नेपालबहस संवाददाता
माघ ९, २०७६ बिहिबार १८:२६:३९
९ माघ, रामेछाप । एउटा विद्यालयको विकास गतिलाई तीव्रता दिनका लागि शैक्षिक, भौतिक र व्यवस्थापकीय कार्यक्रमहरू मात्र भएर हुँदैन त्यस विद्यालय हाताभित्र र वरिपरि हरियाली वातावरण पनि हुनुपर्दछ ।
मन्थली नगरपालिकामा भएका १९ वटा सरकारी र ३ वटा संस्थागत विद्यालयहरू गरी जम्मा २२ वटा विद्यालयहरू रहेका छन् । यी विद्यालयहरूमध्ये १९ वटा सामुदायिक सरकारी विद्यालयहरूमध्ये मन्थली मावि, मन्थली, सेतीदेवी मावि, सालु र शारदा मावि, गेलु का तीनवटा सामुदायिक विद्यालयहरू मात्र सरकारबाट माध्यमिक विद्यालय सञ्चालन गर्नका लागि स्वीकृति प्राप्त विद्यालयहरू हुन् । बाँकी १६ वटा सरकारी सामुदायिक विद्यालयहरू प्रस्तावित रुपमा मात्र माध्यमिक कक्षाहरू सञ्चालन गर्न अनुमति पाएका विद्यालयहरू हुन् । अब यो सन्दर्भ पुरानो भयो ।
यहाँ एउटा विद्यालयमा हरियाली वातावरणको कसीबाट विद्यालयलाई केलाउने काम भएको छ । मन्थली नगरपालिकाको केन्द्र र रामेछाप जिल्लाको सदरमुकामको रुपमा स्थापित भएको मन्थली शहरोन्मुख बजारमा २०१२ साल असोज १२ गते स्थापना भएको मन्थली मावि यतिखेर नगर क्षेत्रमा रहेका सामुदायिक र संस्थागत विद्यालयहरूमध्ये नमुना विद्यालय विकासका लागि छनोट भएर कार्यक्रमहरू पाई अघि बढिसकेको विद्यालय हो ।
यहाँ आधारभूत तह (कक्षा १–८) मा दरबन्दी र निजी दुवै गरी ३३ जना र माध्यमिक तह (कक्षा ९–१२) मा दरबन्दी र निजी गरी १७ जना समेत ५० जना विभिन्न विषयका शिक्षकहरू कार्यरत रहेका छन् । यहाँ सञ्चालित कार्यक्रमहरूमा १४ जना कर्मचारीहरू कार्यरत रहेका छन् भने प्राविधिक धारमा ४ जना ओभरसियर र ४ जना इन्जिनियर गरी कूल जम्मा ७२ जना जनशक्ति शिक्षा प्रदान गर्ने कार्यमा अहोरात्र खटेका छन् ।
यो विद्यालय मन्थली नगरपालिकाको वडा नं.१ को खाँदबारी टोलमा ५६ रोपनी जग्गामा फैलिएर रहेको छ । यसका पक्का र अर्धपक्का सानाठूला भवन गरी १३ वटा भवनहरू रहेका छन् । यहाँ शिशुकक्षादेखि कक्षा १२ सम्म साधारण शिक्षा, खुला शिक्षा, विशेष शिक्षा र तीनवटा विषयमा प्राविधिक धारका शिक्षा गरी ६ प्रकारका धारमा शिक्षा दिइएको कुरा सो विद्यालयका प्रअ टंकप्रसाद दाहाल बताउनु हुन्छ ।
‘यो विद्यालयमा कार्यरत माध्यमिक र आधारभूत तहका तालिम प्राप्त र पुराना शिक्षकहरूको नेतृत्वमा १८ वटा विभागहरूको स्थापना गरिएको छ । ती विभागहरू आफूले वर्षभरि गर्ने कामहरूको योजना बनाएर शैक्षिक कार्यमा लागिपरेका छन् जसका प्रभावका कारण मन्थली माविले शैक्षिक, खेलकुद, योग ध्यान, कराँते, स्काउट, हरियाली प्रबद्र्धन कार्यक्रम, भित्ते पत्रिका, आईएसए प्रोग्राम र सामुदायिक कार्यमा विद्यार्थीहरूको सक्रिय सहभागिता गराउँदै आएको सहायक प्रअ पेशल आचार्यले बताए ।
गतवर्ष यो विद्यालयले नगर मै सबैभन्दा बढी सामुदायिक विद्यालय तर्फबाट ए प्लस ग्रेडमा (१६) जनालाई उत्तीर्ण गराएर ख्याती कमाएको थियो । अहिले पनि सो कार्यलाई निरन्तरता दिनका लागि कार्यक्रमहरू बनाएर लागि परेको छ ।
यो विद्यालयले हरित विद्यालय कार्यक्रमलाई सफलीभूत बनाउनका लागि ग्रीन, पीस, सेफ र क्लिन अवधारणालाई बाहिर ल्याएर वृक्षरोपण, प्लाष्टिक मुक्त हाता बनाउने अभियान, अग्र्यानिक खाजा कार्यक्रमलाई बढावा दिएर अघि बढिरहेको छ । अहिले यो विद्यालयमा करिब २२३३ जना विद्यार्थीहरू अध्ययन गरिरहेका छन् । हामी टिम स्पिरिट मिलाएर काम गर्नमा अनुभवी भएकैले हामीले शैक्षिक र अन्य अतिरिक्त क्रियाकलापहरूमा विशेष नतिजा प्राप्त गर्न सकेका छौ भन्दै सो माविका शैक्षिक प्रमुख चन्द्रसिंह धामी सबै कुराको जस प्रअ, सहायक प्रअ र शैक्षिक प्रमुखले लिने होइन कि यहाँ काम गर्ने आया, चालक, पाले र कार्यालय सहयोगी सबैको समान सहभागिता रहेको छ ।
विद्यालयलाई यहाँसम्म ल्याइपु¥याउनका लागि अघिल्ला प्रअ र विद्यालय व्यवस्थापन समितिका अध्यक्षहरूको योगदान रहेको र अहिले विद्यालय विगतमा भन्दा अझ व्यवस्थित ढंगले अघि बढिरहेको तथ्य सो विद्यालयका प्रअ टंकप्रसाद दाहालले जनाएका छन् । हरित विद्यालयको अवधारणालाई मूर्तरुप दिनका लागि यसै वर्षको बर्खाको समयमा विद्यालयले तीनसय वटा विभिन्न प्रजातिका रुखहरू रोपेर अहिले थोपा सिँचाई प्रणालीलाई अवलम्बन गरिरहेको कुरा शैक्षिक प्रमुख चन्द्रसिँह धामीले बताउछन् ।
‘हामीले परीक्षा र मूल्याङ्कनका सवालमा अहिले सफ्टवेयर प्रणाली अवलम्बन गरेर अघि बढ्नाले यति धेरै विद्यार्थीहरूको नतिजा प्रकाशनमा सहजताका साथ काम गरिरहेका छौं’ –सो विद्यालयका परीक्षा विभाग प्रमुख सुरेन्द्रबहादुर केसीले बताए । विद्यार्थीहरू पनि अहिले सो विद्यालयमा अध्ययन गर्न पाएकोमा खुसी व्यक्त गर्दछन् ।
कक्षा १२ मा अध्ययनरत छात्रा दिपा रोकाले भनिन् –‘विद्यालयले अध्ययन, अतिरिक्त क्रियाकलाप र खेलकुद तथा हरियाली वृद्धि गर्नका लागि योजनाबद्ध रुपले काम गरिरहेको छ । जसले हाम्रो विद्यालय नगरमै अब्बल हुन पुगेको छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसर्लाहीका पाँच पालिकाका विद्यालयले अझै पाठ्यपुस्तक वितरण गरेनन्
बैशाख १५, २०८१ शनिबार
पूर्वाञ्चल विश्वविद्यालयः सात हजारभन्दा बढी विद्यार्थी दीक्षित
बैशाख १४, २०८१ शुक्रबार
देशभर कक्षा १२ को परीक्षा शान्तिपूर्ण रूपमा हुँदै
बैशाख १४, २०८१ शुक्रबार
एसपीको ड्राइभर कि घुमुवा ?
बैशाख १७, २०८१ सोमबार
इलाम- २ मा कांग्रेस पछि पर्यो , एमालेका सुहाङले लिए अग्रता
बैशाख १६, २०८१ आइतबार
बझाङ: एमाले १४०४, कांग्रेस ७६९, माओ ४०१ र एस ३६९ मत
बैशाख १६, २०८१ आइतबार
कलाकार सिपी लोहनीको निधन
बैशाख १७, २०८१ सोमबार
अत्यधिक गर्मीका कारण भैरहवामा जनजीवन प्रभावित
बैशाख १७, २०८१ सोमबार
नेकपा एसको बझाङमा जमानत जफत, इलाममा उही हाल
बैशाख १७, २०८१ सोमबार
बागलुङका एक लाख ३१ हजार पशुलाई लगाइयो खोप
बैशाख १७, २०८१ सोमबार
विद्यार्थीको संख्या घटेपछि पर्वतका २५ विद्यालय समायोजन
बैशाख १७, २०८१ सोमबार
रामेछापमा पहिलोपटक जुनारमा ‘ट्याग’
बैशाख १७, २०८१ सोमबार