लकडाउन एक साता थप्ने उच्चस्तरीय समितिको निर्णय

१६ चैत्र, काठमाडौं । संक्रमणको जोखिम अझै रहेको भन्दै कोरोना रोकथाम तथा नियन्त्रणका लागि गठित उच्चस्तरीय समन्वय समितिको बैठकले जारी लकडाउनको समय बढीमा दुई साता थप्ने निर्णय गरेको छ ।

उपप्रधान तथा रक्षामन्त्री ईश्वर पोखरेल नेतृत्वमा आज आइतबार बसेको समितिको वैठकले जारी लकडाउन अझै ७ देखि बढीमा १४ दिन थप्ने निर्णय गर्दै सो प्रस्ताव मन्त्रिपरिषदमा पठाएको छ। आजै ४ बजे मन्त्रिपरिषदको बैठक बोलाइएको छ भने मन्त्रिपरिषद्ले यसबारे आवश्यक निर्णय लिनेछ ।

सरकारले कोरोना भाइरसको जोखिम कम गर्न गत चैत ११ गते बिहान ६ बजेदेखि लागू हुनेगरी एक साताका लागि देशव्यापी लकडाउनको घोषणा गरेको थियो । सो लकडाउनको समयावधि चैत १८ गते मंगलबार बिहान ६ बजेदेखि सकिँदैछ ।

नेपालमा हालसम्म ५ जनामा कोरोनाको संक्रमण देखिइसकेको छ भने आजै बुटवलमा एकजना बिरामीको मृत्यु भएको छ ।