युवा नेताहरुले आ–आफै उम्मेदवारी घोषणा गर्नुको परिणाम राम्रो आउदैन्
नेपालबहस संवाददाता
साउन १३, २०७७ मंगलबार २१:२२:२७
नेपाली कांग्रेस अहिले चौधौं महाधिवेशनको मुखमा छ । पार्टीका तल्लो तहबाट नेतृत्व छान्ने प्रक्रिया विस्तारै सुरु हुन लागेको छ । साउन र भदौ महिनाभरि पार्टीको क्रियाशील सदस्यता वितरण र नवीकरणमा सक्रियता बढेको छ । आगामी फागुनमा गर्ने भनिएको महाधिवेशन कोरोना संक्रमणले कतै प्रभावित त हुने हैन भनी आशंका गर्ने अवस्थासमेत बनेको छ । साथै, अब कांग्रेस नयाँ शीराबाट आउनका लागि नेतृत्व तहमा युवा पुस्ताको सहभागिताको कुरासमेत जोडतोडले उठिरहेको छ । यिनै सन्दर्भमा नेपालबहस डटकमले नेपाली कांग्रेसका केन्द्रीय सदस्य, केन्द्रीय अनुशासन समितिका सदस्य तथा युवा नेता धनराज गुरुङसँग गरिएको कुराकानीकाे सार संक्षेप :-
अनुशासन बिना कुनै संगठन चल्न सक्दैन । राम्रो गर्नेलाई पुरष्कृत र गलत गर्नेलाई दण्डित गर्नैपर्छ । सोही अनुरुप नेपाली कांग्रेसले पनि गत आम निर्वाचनका बेला पार्टीलाई क्षति पु¥याउने केही नेतालाई कारबाही गरेको छ । यसमा तनहुँका गोविन्दराज जोशी, कैलालीका पुष्करनाथ ओझा र डँडेल्धुराका रामबहादुर बिष्टलाई कारबाही गर्न समितिले सिफारिश गरेको छ ।
यसैबीच आजै कांग्रेसले राप्रपाका पूर्वमहामन्त्री समेत रहेका नेता सुनीलबहादुर थापालगायत ३१ जना नेताहरुलाई पार्टी प्रवेश गराउने तयारी भइरहेको सुनेको छु । यो भनेको नियमित प्रक्रिया हो । ठूलो पार्टीमा मान्छे आउने जाने सामान्य प्रक्रिया हो भन्ने मलाई लाग्छ । तर एकातिर पुराना कार्यकर्तालाई निष्काशन गर्ने अर्कातिर नयाँलाई ल्याउने नीति कतै गलत त भएन भन्ने पनि कतिपयलाई लागेको हुनसक्छ ।
तर मलाई लाग्छ, कांग्रेसको विचार, सिद्धान्त र नीति मान्ने जोसुकैलाई कांग्रेस प्रवेशमा बन्देज छैन र लगाउनुपनि हुँदैन । मुख्य कुरा भनेको पार्टीलाई चलायमान र प्रभावकारी बनाउन सक्नुपर्छ भन्ने हो । यसका लागि सबल र नीतिगत रुपमा स्पष्टता आवश्यक छ । साथै, सिद्धान्त, विचार र नीतिलाई कार्यान्वयन गर्ने प्रतिवद्धता महत्वपूर्ण पक्ष हो । त्यो भएन भने मान्छे आउने र जानुको कुनै अर्थ रहँदैन ।
सूर्यबहादुर थापाका छोरा नै कांग्रेसमा प्रवेश गर्दा नेपाली कांग्रेसलाई भयङ्करै प्रभाव पर्ला भन्ने कतिपयको धारणा सुनिएको छ । तर मलाई त्यस्तो लाग्दैन । मुख्य कुरा व्यक्ति भन्दा नीति र कार्यक्रम महत्वपूर्ण हो । हिजो विजय गच्छदारले नेतृत्व गर्नुभएको लोकतान्त्रिक फोरम नै नेपाली कांग्रेसमा विलय हुँदासमेत खासै प्रभाव भएन । सुनील त केही व्यक्ति मात्रै लिएर आउने सुनेको छु । त्यसैले व्यक्ति को आयो भन्दा पनि वैचारिक रुपमा हामी कति स्पष्ट छौं त्यसमा प्रभाव पर्छ । राष्ट्रिय मुद्धामा कांग्रेस स्पष्ट हुनुप¥यो । त्यसलाई बल पु¥याउने मानिसको आगमन चाहिं अर्थपूर्ण हुने हो ।
अहिले हामी प्रतिपक्षमा भएका बेलासमेत सरकारसँग भागबण्डा खोज्न हतारिएका छौं । त्यो कुनै पनि दृष्टिले उचित हैन । लामोसमय कांग्रेसमा योगदान गर्नेहरु अहिलेपनि पदविहिन र निरिह अवस्थामा छन् । तर जीवनभर कांग्रेसलाई गाली गर्नेहरु चाहिं एकैपटक सहमहामन्त्री वा केन्द्रीय सदस्य बनाइने अवस्थामा कार्यकर्तामा निराशा आउन सक्छ । तर पद ठूलो कुरा होइन , निष्ठा र योगदान महत्वपूर्ण हो । एकपटक कसैले दिएको भरमा पाएको पद भोलि कार्यकर्ताबाट अनुमोदन भएन भने त्यसको कुनै अर्थ पनि रहने छैन ।
नेपाली कांग्रेस भनेको समुन्द्र हो । त्यहाँ सबैखाले जीव अटाएका हुन्छन् । त्यसैले कांग्रेसमा मान्छे आउने जाने ठूलो कुरा होइन । मुख्य कुरा समुन्द्र संग्लो हुनुपर्छ । समुन्द्रले आफ्नो पहिचान गुमाउनु भएन । त्यो महत्वपूर्ण कुरा हो । एकैपटक सहमहामन्त्री जस्तो महत्वपूर्ण पद त्यो पनि महाधिवेशनको मुखैमा दिने कुरा ठीक हो वा गलत भन्ने कुुराको तय महाधिवेशनमा कार्यकर्ताले गर्ने हो । व्यवस्थापन गर्ने नाममा पद मिलाइएको होला, तर यही नै मुख्य कुरा होइन । पार्टी प्रवेश गर्ने वा पद दिनेले यसको मर्म बुझ्नु पर्छ । फेरि नेता बन्न पद नै चाहिन्छ भन्ने छैन । गणेशमान सिंह होस् वा महान्मा गान्धी, उहाँहरु कहिल्यै पदमा बस्नु भएन । तर उहाँहरु सधैं नेता कहलिनु भयो । त्यसैले पदले हैन कामले नेता बन्ने हो ।
अर्काे कुरा महाधिवेशनको मुखमा पार्टी सभापतिले एकलौटी रुपमा विभाग बनाउनेदेखि विभिन्न पदमा मनोनयन गर्ने काम गर्नु त्यति स्वभाविक मान्न सकिन्न । हुन त अहिले कसैलाई मनोनयन गरेकै भरमा केही हुनेवाला चाहिं छैन । तैपनि यतिबेला सभापतिले विचार गर्नुपर्ने हो । विधि विधानलाई अपनाइनुपर्ने हो । सभापतिलाई विधानको कुन दफाले त्यो अधिकार दिएको छ, त्यसबारे स्पष्ट हुनपर्छ । त्यसैले यही कारणले महाधिवेशनलाई प्रभावित पार्ने कुरा मलाई पत्यार लाग्दैन । नयाँ विधान बमोजिम ६ महिना भित्र विभाग गठन र मनोनयन गरिसक्नुपथ्र्याे । तैपनि अहिले गरेर पनि त्यसले कुुनै प्रभाव नै पार्ला भन्ने लाग्दैन । सभापतिले अहिले गरेका काम कारबाहीकै आधारमा आगामी महाधिवेशनले समीक्षा गर्ने छ ।
अब युवा पुस्ताले नै कांग्रेसको कमान थाम्नुपर्ने बेला आएको छ । यसका लागि हामी युवा पुस्ताका नेताहरु विचारविमर्शमा रहेका छौं । साथै आसन्न महाधिवेशनलाई आफ्नै ढंगले समीक्षा गरेका छौं । सबै कुरा सहमति र सहकार्यमा गर्ने हाम्रो सोच रहेको छ । व्यक्तिगत चाहना वा महत्वकांक्षाको कुनै अर्थ रहँदैन । कसैले एकलौटी रुपमा सभापति उठ्छु वा कुनै अमुक पदमा उठ्छु भन्ने भन्दा पनि सल्लाह गरेर मात्रै अगाडि बढ्नु पर्छ । कोही आत्मकेन्द्रित भएर महोत्वाकांक्षा प्रदर्शन गर्ने बेला यो होइन ,सल्लाह भइरहेको छ । त्यसबाट नेतृत्व रुपान्तरण र पुस्तान्तरण हुने हो ।
कसैले एक्लै यसो र उसो गर्छु भन्दा त्यसको प्रभाव रहनेवाला छैन । किनभने संगठन भनेको सबैजना मिलेर बनाउने हो । सामुहिक प्रयासले मात्रै कांग्रेसलाई नयाँ शीराबाट लैजान सकिन्छ । गगन थापाले सभापतिमा उठ्छु भनेको कता हो पढेको हुँ । तर यो कसैले व्यक्तिगत रुपमा घोषणा गर्नुभन्दा सरसल्लाहबाट गरियो भने उचित हुने मेरो धारणा हो । आफूखुशी कसैले घोषणा गर्छ भने त्यसको परिणाम पनि स्वयं उसैले खोज्ने हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपछोटो अवधिमा सरकार परिवर्तन भइरहने कुरा नेपालका लागि महारोग नै भयो: धनराज गुरुङ
बैशाख २१, २०८१ शुक्रबार
सम्पदा संरक्षणमा उदाहरणीय नगर प्रहरी
पुष २९, २०८० आइतबार
संविधान संशोधनतिर भन्दा यसको प्रभावकारी कार्यान्वयनमा लाग्नुपर्छ : सभामुख घिमिरे
असोज १, २०८० सोमबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
टीम इन्डियाले सुपर-८ खेलमा कुन कुन टिमसँग भिड्दैछ ?
असार ३, २०८१ सोमबार
मनसुन देशभर फैलन अझै साता दिन लाग्ने !
असार ३, २०८१ सोमबार
सशस्त्र प्रहरीमा दुई डीआईजीलाई स्पष्टीकरण !
असार ३, २०८१ सोमबार
यसवर्षको मनसुनबाट कोशीमा एक लाखभन्दा बढी घरधुरी प्रभावित हुने आकलन
असार ३, २०८१ सोमबार
काठमाडौंमा ‘कनेक्टिङ कर्णाली’ सम्पन्न
असार ३, २०८१ सोमबार
लहानका बस्तीमा डकैतीको अफवाह नफैलाउन र भ्रममा नपर्न प्रहरीको आग्रह
असार ३, २०८१ सोमबार
राष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार