सांग्रिला डेभलपमेन्ट बैंकले एक दिनमै सुन कर्जा दिने

१५ साउन, काठमाडौं । सांग्रिला डेभलपमेन्ट बैंक लिमिटेडले आफ्ना ग्राहकहरुलाई लक्षित गरी सांग्रिला सुन कर्जा योजना सार्वजनिक गरेको छ । यस योजनामा न्युन व्याजदरमा आफुसँग भएको सुन राखेर कर्जा लिन सकिनेछ ।

यस कर्जा योजना अन्र्तगत ग्राहकले आफनो आवश्यकता अनुुुसार कर्जा सीमा थपघट गर्न सक्ने प्रमुख कार्यकारी अधिकृत सूयोग श्रेष्ठले जानकारी दिएका छन् । ग्राहकहरुको सुविधालाई ध्यान दिदैं १ घण्टा भित्रै कर्जाको सम्पूर्ण कार्य सम्पादन गरिने दावी बैंकको छ ।

बैंकलाई आम जनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा मुलुकभर ९१ शाखा कार्यालयहरु, ३० एटीएम, साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालना गर्दै आएको बैंकले जनाएको छ ।