भाेली राष्ट्र बैंकले छ अर्बकाे ट्रेजरी बिल बिक्री गर्ने

२८ मंसिर, काठमाडौं । नेपाल राष्ट्र बैंकले सोमबार छ अर्ब बराबरको  ट्रेजरी बिल  बिक्री गर्ने भएको छ । राष्ट्र बैंकले बोलकबोल प्रक्रियाका माध्यमबाट  ट्रेजरी बिल बिक्री गर्न लागेको हो ।

केन्द्रीय  बैंकका अनुसार ट्रेजरी बिल नवीकरण गर्ने प्रयोजनका लागि सूचना जारी गरिएको हो । कूल रु चार अर्बको ट्रेजरी बिल ९१ दिनका लागि बिक्री गर्न लागिएको हो । सो बिल आगामी चैत ३ गते परिपक्व हुनेछ । यस्तै रु दुई अर्बको ट्रेजरी बिल भने ३६४ दिने अवधिको रहेको छ ।

सो बिल २०७८ मंसिर २८ गते परिपक्व हुनेछ । बैंकले यसअघि मङ्सिर २२ गते रु १७ अर्ब २६ करोड बराबरको ट्रेजरी बिल बिक्री गरेको थियो ।