६० हजार ५ सय ८७ जनाले पाए कोरोना बीमाबापतको भुक्तानी

७ बैशाख, काठमाडौं । हालसम्म कुल ६० हजार ५८७ जनाले कोरोना बीमाबापतको भुक्तानी गरिएको छ । बीमा समितिको पछिल्लो तथ्याङ्कअनुसार ६० हजार ५८७ जनाले ५ अर्ब ८५ करोड १५ लाख वीमा रकम बुझेका छन् । हालसम्म ९१ हजार ६ सय ७३  ६० हजार ५८७ जनाको भुक्तानीका लागि सहमति प्राप्त भएको छ ।

यस्तै समितिका अनुसार अझै १८ हजार ८५९ जनाको फाइल स्वीकृतिको पर्खाइमा छन् । एक हजार ९८९ फाइलमा आवश्यक विवरण पूरा नभएर फर्किएको बीमा समितिले जनाएको छ ।

बीमाको दाबी भुक्तानीका भएको ढिलाइका कारण दोस्रो चरणको महामारी फैलँदै गर्दा कोरोना बीमा उत्तिको प्राथमिकतामा कम्पनीहरूले राख्न सकेका छैनन् । यसलाई स्वास्थ बीमाअन्तर्गत राख्नुपर्ने सुझाब दिएका छन् ।

सुरुमा अधिकतम ५० हजार रुपियाँ र एक लाख रुपियाँसम्मको बीमाङ्कको र बीमा योजना ल्याएको भए पनि कोरोनाको प्रभाव बढ्न थालेपछि भने कोरोना भएको अवस्थामा २५ हजार रुपियाँ दिने र बाँकी ७५ हजार रुपियाँमध्येबाट अस्पतालमा भएको खर्च विवरणको आधारमा भरपाइ गर्ने गरी संशोधन गरेको थियो ।