संविधानमाथिको नग्न प्रदर्शन कांग्रेसलाई स्वीकार्य हुँदैन : डा. शेखर

२० बैशाख, काठमाडाैं ।  नेपाली कांग्रेसका प्रभावशाली नेता डा. शेखर कोइरालाले संविधानमाथिको नग्न प्रदर्शन कांग्रेसलाई स्वीकार्य नहुने बताएका छन् । सामाजिक सञ्जाल फेसबुकमा एक विचार लेख्दै कोइरालाले लुम्बिनी प्रदेशमा एमालेको बलमिच्याइँ, जबर्जस्ती र संविधानमाथिको नग्न प्रदर्शन कांग्रेसलाई कदापी स्वीकार्य नहुने बताएका हुन् ।

एमाले सत्ताकब्जाको गलत बाटोतर्फ उन्मूख भएको आरोप लगाउदै कोइरालाले अत्पमतमा रहेको सरकारको अलोकतान्त्रिक कदमका बिरुद्धमा वर्तमान सरकार लाजै नमानी एकपछि अर्को अलोकतान्त्रिक कदमतर्फ अग्रसर भएकोमा आरोप लगाए ।

लुम्बिनी प्रदेश एउटा उदाहरण मात्र भएको सरकारको वर्तमान हर्कतहरु हेर्नै नसकिने र पचाउनै नसकिने गरि देखिदै गएकोमा चिन्ता समेत ब्यक्त गरेका छन् । सरकार आफै अलोकतान्त्रिक बाटोमा हिडन खोजेपछि आम नागरिकलाई लोकतन्त्रका मर्म र भावनाहरुको ब्याख्या कसरी गर्ने ? भन्ने चिन्ता पनि बढन थालेको छ ।

डा. शेखरले सरकारको गलत रबैयाका कारण लोकतन्त्रकै धज्जी उडाएको बताएका छन् । लोकतन्त्रका धरोहरहरु माथि एकपछि अर्को प्रहारले वर्तमान सरकार अधिनायकवादतर्फ अगाडि बढेको स्पष्ट पारे ।

उनले भनेका छन्, गैरसंवैधानिक र गैरराजनीतिक तरिकाले लुम्बिनी प्रदेशमा अल्पमतमा रहेका मुख्यमन्त्री शंकर पोखरेललाई जसरी मुख्यमन्त्रीको शपथ गराईयो, यसले एमाले जसरी पनि सत्ता कब्जाको उद्धेष्यका साथ अगाडि बढीरहेको छ । यसले लोकतन्त्रको मर्म र भावना माथि समेत चोटिलो प्रहार गरेको छ । नेपाली कांग्रेसभित्रको आन्तरिक अधिनायकवादका बिरुद्धमा लडदै आएका नेता डा. शेखर कोइराला अब सिंगो सरकारका अलोकतान्त्रिक कदमका बिरुद्धमा लडने अवस्था आईसकेको बताउँछन् ।