बुटवलमा बी लेभल पुरुष तथा भेट्रान्स ब्याडमिन्टन प्रतियोगिता हुने
नेपालबहस संवाददाता
पुस १६, २०७८ शुक्रबार २२:३५:४२
१६ पुस, बुटवल । आगामी २२ माघदेखि बुटवलमा बी लेभल पुरुष तथा भेट्रान ब्याडमिन्टन प्रतियोगिता हुने भएको छ । लाफा समूह बुटवलको आयोजनामा दुई दिनसम्म हुने प्रतियोगितामा लुम्बिनी प्रदेशसहित चितवन, मकवानपुर, कास्कीलगायतका जिल्लाबाट खेलाडीहरू सहभागी हुने छन् । यस वर्ष एक सय ६५ बढी टिम सहभागी हुने कार्यक्रम संयोजक तथा समूहका उपाध्यक्ष बबिन थापाले जानकारी दिए ।
खुलातर्फ ११५ तथा भेट्रान्सतर्फ ५० बढी टिमको सहभागिता रहने प्रतियोगितामा खुलातर्फका विजेताले ३५ हजार नगद, ट्रफी, मेडल र प्रमाणपत्र पुरस्कार प्राप्त गर्ने छन् । त्यस्तै, उपविजेताले २० हजार तथा तेस्रो हुनेले १० हजार नगद, ट्रफी मेडल र प्रमाणपत्र पुरस्कार प्राप्त गर्ने छन् । यसैगरी उत्कृष्ट खेलाडी, अनुशासित खेलाडी तथा उदीयमान खेलाडीलाई विशेष पुरस्कारको व्यवस्था गरिएको समूहका संरक्षक वासुदेव लामिछाने मगरले जानकारी दिए ।
त्यस्तै भेट्रान्सतर्फ भने प्रथम पुरस्कार २५ हजार, दोस्रो पुरस्कार १५ हजार र तृतीय पुरस्कार १० हजार ५५५ रहेको छ । प्रतियोगितामा सहभागिताका लागि खुलातर्फ २५ सय प्रवेश शुल्क र भेट्रान्सतर्फ दुई हजार प्रवेश शुल्क राखिएको लामिछानेले जानकारी दिए ।
प्रतियोगिता सम्पन्न गर्न १० लाख रुपैयाँ खर्च अनुमान गरिएको समूहका अध्यक्ष तारा रेश्मीमगरले बताए । खेलप्रेमी र विभिन्न संघसंस्थाहरूको सहयोगबाट प्रतियोगिता गर्न लागिएको उनले बताए । लगातार तीन वर्षसम्म राष्ट्रिय लेभलको ब्याडमिन्टन प्रतियोगिता गर्दै आएको समूहले यस वर्ष स्थानीयस्तरका खेलाडी उत्पादन गर्न बी लेभलको प्रतियोगिता आयोजना गर्न लागेको रेश्मीमगरले बताए । प्रतियोगिताले यस क्षेत्रको खेलकुद विकासमा समेत टेवा पुग्ने उनले बताए ।
समूहले सामाजिक उत्तरदायित्वअन्तर्गत एम्बुलेन्स खरिद, अनाथ(वृद्धाश्रमलाई सहयोग, नियमित रक्तदानका साथै ब्याडमिन्टन तथा भलिबल प्रतियोगिताहरू आयोजना गर्दै आएको छ । समूहले भदौ महिनामा बी लेभल भलिबल प्रतियोगिता सम्पन्न गरिसकेको छ । पटक पटक पनि स्थानीय तहसँग हल निर्माणका लागि जग्गा उपलब्ध गराउन आग्रह गरे पनि जग्गा नपाउँदा निजी कभर्डहल लिजमा लिएर चलाउनुपर्ने बाध्यता रहेको समूहका पूर्वअध्यक्ष केशव रानाले गुनासो गरे । समूहमा हाल एक सय ७५ भन्दा बढी सदस्यहरूले दैनिक रूपमा ब्याडमिन्टन खेल्दै आएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगुल्मीमा शुक्रबारदेखि खुला ब्याडमिन्टन प्रतियोगिता हुने
चैत ५, २०८० सोमबार
बाबियाचौरमा तयार भयो २१ लाखमा ब्याडमिन्टन कर्भड हल
चैत १८, २०७९ शनिबार
खुल्ला ब्याडमिन्टन प्रतियोगितामा थापाको टिम प्रथम
पुष १७, २०७९ आइतबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार