भ्रष्टाचार नियन्त्रण र सुशासन प्रवर्द्धन गर्ने विद्यार्थीलाई अख्तियारले अनुसन्धान वृत्ति दिने

२९ मंसिर, काठमाडौं । अख्तियार दुरुपयोग अनुशन्धान अयोगले स्नातकोत्तर, दर्शनाचार्य र विद्यावारिधी तहमा अध्ययनरत विद्यार्थीहरुलाई भ्रष्टाचार नियन्त्रण र सुशासन प्रवर्द्धनको क्षेत्रमा अनुसन्धान र शोध गर्न आर्थिक सहयोग गर्ने भएको छ ।

विश्वका कुनै पनि मान्यताप्राप्त विश्वविद्यालय, आंगिक क्याम्पसहरूमा स्नातकोत्तर, दर्शनाचार्य र विद्यावारिधी तहमा अध्ययनरत २÷२ जना गरी जम्मा ६ जनालाई अनुसन्धान वृत्ति दिन लागेको हो ।

अख्तियारले स्नातकोत्तर तहमा अनुशन्धान गर्नेलाई एक लाख, दर्शनाचार्यमा एक लाखा ५० हजार र विद्यावारिधी तहमा अनुसन्धान र शोध गर्नेलाई दुई लाख ५० हजार वृत्ति दिन लागेको हो ।