समाजवादी ट्रेड युनियनले भेला, प्रशिक्षणदेखि रक्तदान कार्यक्रम गर्ने

६ माघ, काठमाडौं । जनता समाजवादी पार्टी (जसपा) नेपाल सम्बद्ध समाजवादी ट्रेड युनियन महासंघले भेला, प्रशिक्षणदेखि रक्तदान कार्यक्रम गर्ने भएको छ ।

बिहीबार सम्पन्न केन्द्रीय पदाधिकारी समितिको बैठकले प्रदेशस्तरीय भेला, समितिहरु गठन÷पुनर्गठनदेखि रक्तदान कार्यक्रमसम्मका कार्यक्रम गर्ने निर्णय गरेको हो ।

महासंघको बैठकले माघ मसान्तसम्म सातै प्रदेश प्रदेश स्तरीय भेला, समिति गठन÷पुनर्गठनका लागि महासंघका अध्यक्ष अर्जुन लम्साल संयोजक रहेको ३ सदस्यीय कार्यदल गठन भएको छ । कार्यदलको सदस्यहरुमा उपाध्यक्ष सुरेश मोक्तान र महासचिव दयाराम राई रहेका छन् ।

महासंघको आयोजना गर्ने रक्तदान कार्यक्रम संयोजनको जिम्मेवारी सुरेश मोक्तानलाई दिएको छ । भने महासंघका पूर्व अध्यक्षद्वय जोगीलाल यादव र प्रचण्ड पौडेललाई महासंघको संरक्षक बनाउने निर्णय गरिएको ।