मकवानपुरको बासामाडीबाट पेस्तोलसहित घलान पक्राउ

२७ चैत, काठमाडौं । मकवानपुरको बर्सामाडीमा पेस्तोलसहित एक पुरुषलाई प्रहरीले पक्राउ गरेको छ । पक्राउ पर्नेमा हेटौंडा उपमहानगर पदमपोखरी भोर्ले बस्ने अन्दाजी ४४ वर्षीय सुरेश घलान (सुमन) रहेको प्रहरीले जनाएको छ । 

पूर्व पश्चिम राजमार्गअन्तर्गत हेटौंडा उपमहानगरपालिका–३ बसामाडीस्थित पेट्रोलपम्म नजिक शंकास्पद अवस्थामा हिँडिरहेकाे पाइएपछि घलानलाई चेकजाँच गर्दा उनको साथमा रहेको झोलाबाट युएसए लेखिएको स्वचालित पेस्तोल बरामद गरिएको बागमती प्रदेश प्रहरी कार्यालय हेटौंडाले जनाएको छ ।

अभियुक्त घलानमाथि अदालतबाट म्याद थप गरी आवश्यक अनुसन्धान कार्य भइरहेको जनाइएको छ । घलानलाई साेमबार सार्वजनिक गरिएकाे हाे ।