दाङमा सशस्त्र प्रहरीका सहायक हवल्दारको गोली लागेर मृत्यु

४ वैशाख, दाङ । दाङ तुलसीपुरमा सशस्त्र प्रहरीका सहायक हवल्दारको गोली लागेर मृत्यु भएको छ। तुलसीपुर उपमहानगरपालिका वडा नं। ८ टिकरीका ३५ वर्षीय वशन्त केसीले आइतबार बेलुका ८: ३५ बजेतिर आफैँले आफैँलाई गोली हानेका हुन्।

उनको घटनास्थलमै मृत्यु भएको प्रहरीले जानकारी दिएकाे छ। केसी कारागार सुरक्षा गुल्म तुलसीपुरमा करिब ५ दिन पहिले मात्रै कपिलवस्तुबाट आएका थिए।

४८ नम्बर रिजर्व गुल्म कपिलवस्तुमा कार्यरत केसी गृहनगर तुलसीपुरमा आएको केही दिनमै आफैँलाई किन गोली हाने भन्नेबारे अनुसन्धान हुन बाँकी रहेकाे प्रहरीले जनाएकाे छ ।