कक्षा ८ को परीक्षामा धनगढीका १७ विद्यालयका

४ वेशाख, काठमाडौं । धनगढीका १७ विद्यालयका सबै विद्यार्थी कक्षा ८ को परीक्षमा अनुत्तिर्ण भएका छन् । धनगढी उपमहानगरभित्र रहेका ६३ सामूदायिक विद्यालयमध्ये १७ विद्यालयका सबै विद्यार्थी नन ग्रेड अर्थात फेल भएका हुन् । 

परीक्षाको नतिजा आइतबार मात्र प्रकाशित गरिएको थियो । १७ सामुदायिक विद्यालयबाट कुनैपनि  विद्यार्थीले कक्षा ९ मा भर्ना हुने योग्यता हासिल नगरेको परीक्षा नतिजाले देखाएको छ ।

धनगढी उपमहानगरको शिक्षा युवा तथा खेलकुद महाशाखाले नतिजा तयार गरेर सम्बन्धित विद्यालयमा पठाइएकाले शून्य नतिजामा परेका विद्यालयहरुको नाम भन्न नमिल्ने महाशाखाले जनाएको छ । महाशाखाका अनुसार ८ को परीक्षामा निजी र सामुदायिक विद्यालयबाट ३३ प्रतिशत विद्यार्थी मात्रै कक्षा ९ मा भर्ना हुन योग्य देखिएका छन् । 

धनगढी उपमहानगरपालिकाले कक्षा ८ को परीक्षामा ननग्रेडमा परेका विद्यार्थीका लागि ग्रेड वृद्धि परीक्षा सञ्चालन गर्ने तयारी गरेको बताइएको छ ।