पहिचान पक्षधर आन्दोलनकारीले दिए वार्तामा बस्ने संकेत
नेपालबहस संवाददाता
जेठ १७, २०८० बुधबार १३:२४:१६
१७ जेठ, विराटनगर । कोशी प्रदेशको नाम खारेज गरी पहिचानको आधारमा नामाकरण गर्नुपर्ने माग गर्दै झण्डै ४ महिनादेखि आन्दोलन गर्दै आएका पहिचान पक्षधर आन्दोलनकारीहरुले प्रदेश सरकारसँग वार्तामा बस्ने संकेत दिएका छन् ।
प्रदेश सरकारका प्रवक्ता एवं द्योग कृषि तथा सहकारीमन्त्री भक्तिप्रसाद सिटौलाले मंगलबार प्रेस विज्ञप्ति प्रकाशित गर्दै आन्दोलनका कार्यक्रम स्थगित गरेर वार्ता र संवादमा आउन आग्रह गरेका थिए ।
वार्ताका लागि आह्वान भएको भोलिपल्ट आन्दोलनमा सहभागीमध्ये किराँत याक्थुङ चुम्लुङका अध्यक्ष प्रेम एक्तेन सरकारले वार्ताका लागि गरेको औपचारिक आव्हानलाई आफूहरुले सकारात्मक रूपमा लिएको बताएका छन् । आह्वानलाई केही न केही सुरुवात भएको रुपमा लिएको उनले बताए । यसबाट आन्दोलनरत पक्ष वार्तामा बस्ने संकेत मिलेकाे छ ।
उनले आह्वान भएपनि अहिले नै वार्तामा बस्न अवस्था नरहेको र यसले वार्ता गर्ने वातारण बनाउने विश्वास लिएको उनले बताए । वार्ताका लागि कमिटी, एजेण्डा र विश्वास मुख्य विषय भएको उनको भनाइ छ । वार्ताबारे सरकारबाट औपचारिक रुपमा पत्र नआएसम्म वार्ता हुन्छ भन्न नसकिने उनले बताए ।
सरकारबाट वार्ता आह्वानपछि के भन्नेबारे छलफल गर्न आन्दोलनरत पक्षहरु छिट्टै बैठक बस्ने किराँत राई यायोख्खाका अध्यक्ष जीवन हातोचो राईले बताए । सरकारसँग वार्ता गर्न उच्चस्तरीय टोली हुनुपर्ने उनको तर्क छ । वार्ताका लागि गरिएको आह्वानपत्रले सररकार परिणाममुखी वार्ताको पक्षमा नरहेको देखिएको उनले बताए ।
गएको फागुन १७ गते प्रदेशसभाको बहुमतले प्रदेशको नाम नदी झल्किने प्रकारले कोशी राखेसँगै पहिचानको आधारमा नाम राख्नुपर्ने भन्दै राई, लिम्बू, किरात लगायत समूदायले आन्दोलन गर्दै आएका छन् । प्रदेशसभाका नामाकरणका बेला कोशी नामसँगै ‘किरात–लिम्बूवान–सगरमाथा’ पनि प्रस्तावित भएको थियो । तर बहुमतले कोशी नाम पारित गरेको हो ।
कोशी प्रदेशमा आइतबारदेखि सुरु भएको बजेट अधिवेशन जारी छ । अधिवेशनमा सरकारले आगामी आर्थिक वर्षको नीति तथा कार्यक्रम र बजेट पेस हुँदैछ । आन्दोलनकारीले अधिवेशनको पहिलो बैठकमा सांसदहरुलाई सभाहलमा प्रवेशमा रोक्ने योजनासाथ आइतबार भएको आन्दोलनका ८६ जना आन्दोलनकारीलाई रिगफ्तार गरेको थियो ।
जिल्ला प्रशासन कार्यालयसँग मंगलबारको वार्तापछि गिरगफ्तार सबै रिहा भएका छन् भने कोशी बन्द गर्ने घोषित अन्दोलन फिर्ता लिई आन्दोलन शान्तिपूर्ण बनाउने विषयमा आन्दोलनकारी सहमत भएका थिए । माग पूरा नभएसम्म आन्दोलन जारी राख्ने उनीहरुको अडान छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउदयपुरको रौतामा आगलागी हुँदा ५० लाख बराबरको क्षति
बैशाख १४, २०८१ शुक्रबार
आज प्रचार प्रसारको अन्तिम दिन, इलाममा कांग्रेसको ४२ वटै वडामा घरदैलो
बैशाख १२, २०८१ बुधबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
बैशाख १७, २०८१ सोमबार
वीरगञ्जमा प्रहरीले गोली चलाएर भारतीय अपराधीलाई लियो नियन्त्रणमा
बैशाख १७, २०८१ सोमबार
चर्चित वन्यजन्तु तस्कर सम्पत्ति शुद्धिकरणमा दोषी ठहर
बैशाख १७, २०८१ सोमबार
इलाममा सुहाङको मत २१ हजार कट्यो, अग्रता कायमै
बैशाख १७, २०८१ सोमबार
सगरमाथाको चौथो शिविरसम्म बाटो खुल्यो
बैशाख १७, २०८१ सोमबार
गण्डकी सरकार गठनविरुद्धको रिट खारेज
बैशाख १७, २०८१ सोमबार
संविधान संशोधनको नेतृत्व कांग्रेसले लिनुपर्छः प्रमुख सचेतक लेखक
बैशाख १७, २०८१ सोमबार