९ औँ बृहत रक्तदान कार्यक्रमको आयोजना गर्दै ठाकुरबाबा नगरपालिका

११ साउन, बर्दिया । बर्दियाको ठाकुरबाबा नगरपालिकाले ९ औँ बृहत रक्तदान कार्यक्रमको आयोजना गरेको छ । रक्तदान जिवन दान भन्ने मुल नाराका साथ आयोजना गरिएको रक्तदान कार्यक्रममा नगरका सम्पूर्ण जनप्रतिनिधि, बुद्धिजीवी, समाजसेवी, राजनीतिकर्मी, शिक्षक, राष्ट्रसेवक कर्मचारी र व्यापारी  लगायत नगरवासीलाई आमन्त्रण गरिएको छ । 

नेपाल स्वयमसेवि  रक्तदाता समाज जिल्ला बर्दिया र र नगरपालिको सयुक्त आयोजनामा हन लागेको बृहत रक्तदान कार्यक्रममा पहिलो पटक जिल्ला स्तरीय महिला विशेष रक्तदान कार्यक्रमको आयोजना गर्न लागेको नगरपालिकाका मेयर तिलक लम्सालले बताए । 

मेयरको सचिवालयका अनुसार बृहत रक्तदान कार्यक्रकको लागि नेपाल रेडक्रस सोसाइटी, उद्योग वाणिज्य संघ, थारु समुदाय विकास मंच लगायत ठाकुरबाबा नगरपालिका भित्रका सबै सहकारी, बैंक तथा वित्तिय संस्थाहरु, शैक्षिक संसथाहरु एवम सम्पूर्ण सामाजिक संघ संस्थाहरूको सह आयोजना रहेको छ । 

यहि साउन १७ गते बुधबारका दिन स्वास्थ्य बिमा कार्यक्रमको समुदघाटन कार्यक्रम रहेको हुँदा सोही दिन आधारभूत नगर अस्पताल भुरिगाउँमा बृहत रक्तदान कार्यक्रमको राखिएको ठाकुरबाबा नगरपालिकाले जनाएको छ ।