दूध र पानीको गुणस्तर जाँच्न आफ्नै प्रयोगशाला संचालन गर्दै काठमाडौं महानगर

११ भदौ, काठमाडाैं । काठमाडौं महानगरपालिका आफ्नो क्षेत्रभित्र अत्यावश्यक उपभोग्य वस्तु पानी र दूधमा गुणस्तर र स्वच्छता कायम गराउने योजनामा लागेको छ । स्वच्छता तथा गुणस्तर कायम गराउन महानगरले बजार अनुगमनलाई तीव्रता दिइरहेको छ । 

महानगरभित्र प्रयोग गरिने पानी र दूधको स्वच्छता र गुणस्तर कायम गराउनेबारे महानगरपालिकाकी उपप्रमुख सुनिता डंगोलको अध्यक्षतामा बजार अनुगमन समितिको बैठक बसेको छ । 

बैठकले अनुगमनबाट प्राप्त अवस्थाका विषयमा जानकारी लिएर कृषि तथा पशुपंक्षी विभागका अधिकारीलाई कामका लागि निर्देशन दिइसकेको उपप्रमुख ढंगालले बताएकी छन् । उनले बजारबाट संकलन गरिएका नमूना परीक्षणका लागि महानगरले आफ्नै प्रयोगशाला स्थापना र सञ्चालनका लागि तत्काल काम थालनी गरिने बताइन् । 

मुख्यगरी डेरीहरुबाट प्लाष्टिकमा राखेर, रवरले बाँधेर बेचिने दूध र जारको पानीमा गुणस्तर कमजोर पाइएको महानगरको जनाएको छ । त्यसलाई नियमन गरी गुणस्तर कायम गराउन परीक्षणका लागि प्रयोगशाला संचालन गर्ने निर्णय आइतबारको बैठकले निर्णय लिएको बजार अनुगमन तथा निरीक्षण समितिका अधिृकत अवधेश झाले बताए । 

खुला दूधमा गुणस्तरका लागि चाहिने आवश्यक तत्व भए नभएको थाहा पाउन उपभोक्तालाई कठिन हुने र त्यसलाई हल गर्न महानगरले ठोस कदम चाल्न लागिएको उनले बताए । 

दूध बित्रः वितरण तरिकालाई व्यवस्थित तुल्याउने योजना महानगरले बनाएको छ । उत्पादित वस्तुको मूल्उ किसानले पाउने र उपभोक्ताले स्वच्छ र गुरणस्तर, सफा अवस्थाका पानी दुग्धजन्य खाद्यवस्तु खरिद गर्न पाउने अधिकारलाई सुनिश्चित गर्न महानगर लागिपरेको डंगालको भनाइ छ । उपभोक्ताको स्वास्थ्य, मूल्य र गुणस्तरमा कहीँ कतैबाट खेलवाड गर्न नपाइने अवस्था महानगर सदैव प्रतिवद्ध रहेको उनले बताए । 

हिजो आइतबार मात्र बत्तिसपुतलीस्थित कालिञ्चोक ट्रेडलिंकलाई ढुसी परेको कोक बिक्री गरेको पाइएपछि महानगरको बजार अनुगमन समितिले एक लाख ५० हजार रुपैयाँ जरिवाना तिराएको थियो । त्यससँगै ढुसी परेको कोक बजारबाट तत्काल फिर्ता लजान र बिर्कोे सिल भएको बोतल मात्र बजारमा पठाउन निर्देशन दिएको थियो ।