स्याङ्जामा अरिङ्गालले टोकेर एकको मत्यु

प्रकाश डोटेल

१४ भदौ, स्याङ्जा । स्याङ्जामा अरिङ्गालको टोकाईबाट एक जनाको मृत्यु भएको छ । बिरूवा गाउँपालिका वडा नं. १ किचनासका २८ वर्षिय चेलिस श्रेष्ठको अरिङ्गालको टोकाईबाट मृत्यु भएको हो ।

गएराती घर नजिकैको जंगलमा अरिङ्गाल पोल्ने क्रममा घाईते भएका श्रेष्ठलाई गण्डकी मेडिकल कलेज पोखरा उपचारका लागि पठाएकोमा बिहान मृत्यु भएको जिल्ला प्रहरी कार्यालय स्याङ्जाका प्रबक्ता डिएसपी रविन्द्र खनालले जानकारी दिए ।

अरिङ्गाल पोल्नको लागि श्रेष्ठसँगै ६ जना गएकोमा अन्य ५ जना सकुशल रहेको प्रहरीले जनाएको छ । श्रेष्ठलाई अन्दाजी ६०÷७० वटा अरिङ्गालले टोकेको बताईएको छ ।