चिकित्सा शिक्षा आयोगको उपाध्यक्षका लागि ९ जनाले बुझाए आवेदन

१४ भदौ, काठमाडौं । चिकित्सा शिक्षा आयोगको उपाध्यक्ष पदका लागि ९ जनाको आवेदन परेको छ । उपाध्यक्ष पदमा नियुक्तिका लागि नाम सिफारिस गर्न गठित सिफारिस समितिको सूचनाका आधारमा आवेदन परेको हो । 

आयोगका वर्तमान उपाध्यक्ष प्राडा श्रीकृष्ण गिरी, ले पनि आवेदन दिएका छन् । अन्य आवेदकहरुमा प्राडा संगीता सिंह भण्डारी, प्राडा सुमनकुमार श्रेष्ठ, डा प्रविण मिश्र, प्राडा पियुस दाहाल र प्राडा विधाननिधि पौडेल, डा प्रमोदकुमार यादव, डा. अञ्जनीकुमार झा र प्राडा मेननप्रसाद गोर्खाली छन् । 

उनीहरुले व्यावसायिक कार्ययोजना सहितको सोचपत्र भने भदौ १५ गते ३ बजेभित्र समितिको सचिवालय शिक्षा, विज्ञान तथा प्रविधि मन्त्रालय, सिंहदरबारमा पेश गर्नुपर्नेछ । उनीहरुको अन्तर्वार्ता भदौ १७ र १८ गतेका लागि ताेकिएकाे छ । आयोगका अध्यक्ष प्रधानमन्त्री रहने व्यवस्था छ ।