सन्दीप लामिछानेविरुद्धको मुद्दा फैसलाका लागि न्यायाधीश शर्माकाे इजलासमा सुनुवाइ जारी

२१ भदौ, काठमाडौं । क्रिकेटर सन्दीप लामिछानेविरुद्धको बलात्कार मुद्दाको अन्तिम फैसलाका लागि अहिले काठमाडौं जिल्ला अदालतमा अन्तिम सुनुवाइ भइरहेको छ ।

न्यायाधीश शकुन्तला कार्कीको इजलासमा जारी सुनुवाइमा अहिले पीडित किशोरीका तर्फका वकिलबाट बहस जारी छ । बहस सकिएमा आजै फैसला आउने संभावना छ । सुनुवाइमा अभियुक्त सन्दीप र पीडित बालिका इजलासमा उपस्थित भएका छन् ।

सन्दीपले नुवाकोटकी एकजना १७ वर्षीया किशोरीलाई २०७९ भदौ ५ गतेृ राति काठमाडौंको पिंगलास्थानस्थित होटल काठमाडौं इनमा पुर्याएर बलात्कार गरेको अभियोग छ । त्यसपछि पीडितकाे उजुरीकाे आधारमा असाेज २० मा पक्राउ गरिएकाे थियाे ।

मुद्दाका काठमाडौं जिल्ला अदालतले सुरुमा गरेको थुनछेक सुनवाइले पुर्पक्षका लागि जेल पठाएपनि थुनाका बेला लामिछानेले उच्च अदालतमा दिएको रिट निवेदनमा उच्चले २० लाख रुपैयाँ धरौटी लिएर बाहिर रहेर मुद्दा लड्न सुविधायुक्त आदेश दिएको थियो । त्यसपछि उनी खुला रहेपनि काठमाडौं अदालतबाट मुद्दाको अन्तिम टुंगो लगाउन भने बाँकी नै  ।