सडेको वस्तु प्रयाेग गरी समोसा बनाउने पसललाई महानगरले तिरायो जरिवाना

१ असोज, काठमाडौं । काठमाडौं महानगरपालिकाले वडा नं. १७ मा संचालित टिपटप समोसा पसललाई दुई लाख रुपैयाँ जरिवाना तिराएको छ ।

बजार अनुगमनको क्रममा उक्त समोसा पसलले अखाद्य वस्तु बेचेको पाइएपछि सञ्चालक दिपकराज थपलियालाई जरिवाना तिराइएको अनुगमन टोलीका प्रमुख डा. अवधेशकुमार झाले जानकारी दिए ।

पसलमा अखाद्य वस्तु नराख्न, कर्मचारी बोलीबचनमा सुधार गर्न, दूधजन्य वस्तुको तापक्रम कायम राख्न निर्देशन दिइएको छ । सडिसकेको वस्तु राखेर बजार तिवरण भइसकेका सबै परिकार बजारबाट फिर्ता ल्याएर नष्ट गर्न समेत निर्देशन दिइएको उनले बताए । चाडबाड नजिकिएसँगै महानगरले बजार अनुगमन तीव्र पारेको छ ।