राहत शिक्षक र सरकारबीच सहमति, आन्दोलनका सबै कार्यक्रम फिर्ता

१२ असोज, काठमाडौं । संसदमा दर्ता भएको विद्यालय शिक्षा विधेयकमा आफूहरुको अधिकार खोसिने गरी समेटिएका विभिन्न प्रावधानहरुको खारेजी माग गर्दै असोज ३ गतेदेखि काठमाडौंकेन्द्रित आन्दोलन चलाइरहेका आन्दोलनरत राहत शिक्षक र सरकारबीच सहमति भएको छ । 

शुक्रबार शिक्षा मन्त्रालयमा भएकाे वार्तामा ५ बुँदे सहमति भएकाे हाे । सहमतिसँगै शिक्षकहरुको जारी आन्दोलन फिर्ता भएको छ । सहमतिकाे विस्तृत विवरण सार्वजनिक हुन बाँकी  छ ।