सरकारद्वारा एकै पटक ७१ जना सहसचिवको सरुवा

१० मंसिर, काठमाडौं । विभिन्न मन्त्रालयका ७१ जना सहसचिवहरूको सरुवा भएको छ । मन्त्रिपरिषदको  निर्णयअनुसार ७१ जना सहसचिवहरुको सरुवा भएको हो । सरुवा सँंगसँंगै संघ, प्रदेश र स्थानीय तहमा ठूलो संख्यामा सहसचिव हेरफेर भएको छ । यसअघि सरुवाका लागि प्रस्ताव गरिएको सूचीमा थपेर सरुवा गरिएको हो । 

यो पटक संघीय मन्त्रालयले प्रदेशमा बढी समय बिताइएकाहरुलाई संघमा ल्याएको छ भने संघमा धेरै सयम काम गरेकालाई प्रदेशमा पठाएको छ । तीन साता अघि संघीय मामिला तथा सामान्य प्रशासान मन्त्रालयले ५५ जना सचिवको सरुवाको प्रस्ताव मन्त्रिपरिषदमा लगेको थियो । तर, मन्त्रीहरुबीचको मतभेदका कारण सरुवाको सूची सार्वजनिक भएको थिएन् । 

प्रधानमन्त्री तथा मन्त्रिपरिषदको कार्यालय, गृह, रक्षा,अर्थ, संघीय मामिला तथा सामान्य प्रशासन, शिक्षा विज्ञान तथा प्रविधि, उद्योग वाणिज्य तथा आपूर्ति, श्रम रोजगार तथा सामाजिक सुरक्षा, भूमि व्यवस्था तथा सहकारी, शहरी विकास लगायतका मन्त्रालयहरूमा नयाँ सहसचिवहरुलाई ल्याइएको छ ।

विभिन्न प्रदेशका मुख्यमन्त्री कार्यालय र मन्त्रालयहरुमा पनि नयाँ सहसचिवहरु पठाइएको छ । सरुवामा मन्त्रीहरुको हस्तक्षेप भएको भन्दै विरोध पनि सुरु भएको छ । मुख्यसचिव र विभागीय मन्त्रीले आफू निकटकालाई रोजेर स्थान दिएको आरोप लगाइएको छ ।