आगामी वर्ष जेठमा हिमाली लेखक सम्मेलन हुने
नेपालबहस संवाददाता
पुस ३, २०८० मंगलबार १७:६:३
३ पुस, काठमाडौं । ‘न्युयोर्क राइटर्स वर्कसप’ले आगामी वर्ष जेठमा नेपालमा हिमाली लेखक सम्मेलन गर्ने भएको छ । विसं २०८१ जेठ ९–२० गते काठमाडौं, भक्तपुर र कास्कीमा हुने सम्मेलनमा सबै महाद्वीप र उपमहाद्वीपका लेखक सहभागी हुने छन् ।
कवि, अनुवादक तथा लेखक युयुत्सु आरडी शर्माको लेखन सहजीकरणमा हुने ‘हिमालयन राइटर्स रिट्रिट’ मा प्रख्यात अमेरिकी कवि तथा सम्पादक टोनी बार्नस्टोन, एसियाली–अमेरिकी कवि तथा संस्मरण लेखक रविशङ्कर, न्युयोर्क विश्वविद्यालयका प्राध्यापक तथा लेखक टिम टोम्लिन्सनलगायतको सहभागिता रहने जनाइएको छ ।
सम्मेलन नेपालका क्रान्तिकारी राजनीतिज्ञ तथा प्रथम गद्यकवि गोपालप्रसाद रिमालमा समर्पित भई अन्तरराष्ट्रिय साहित्यिक महोत्सवका रूपमा चलेर नेपाल र दक्षिण एसियाली लेखनमा केन्द्रित हुने नेपाल संस्करणको संयोजक ह्वाइट लोटस बुक सप, कुपन्डोल, ललितपुरका प्रतिनिधि सिर्जना भण्डारीले जानकारी दिए ।
सो अवसरमा रिमालका कविताहरूको सङ्ग्रहको अङ्ग्रेजी अनुवाद पनि प्रकाशन हुने बताइएको छ । “न्युयोर्क राइटर्स वर्कसप २०२४ संसारभरको साहित्यिक जगत्का लागि बरदान हुने छ”, हिमाली महोत्सव संस्करणका अध्यक्ष शर्माले भने, “यस प्रकारको कार्यक्रम दक्षिण एसियामै पहिलो हुने छ । यसले बहुसांस्कृतिक साहित्यिक संकथनमा नयाँ आयाम ल्याउने र विश्वभरका सिर्जनात्मक लेखकहरूबिचको सम्बन्धलाई बढावा दिई सिर्जनशीलताको बाढी ल्याउने छ ।”
राइटर्स वर्कसप अन्तरराष्ट्रिय लेखन कार्यक्रम हो जुन यसअघि ग्रीसको एथेन्स, इटालीको सर्दिनिया, न्युयोर्क सहर क्षेत्रमा आयोजना भइसकेका छन् र प्रतिष्ठित लेखकहरूले प्रशिक्षण दिने गर्छन् । वर्कसपका निर्देशक तथा न्युयोर्क विश्वविद्यालयका प्रा टोम्लिन्सनले नेपाल सम्मेलन सहभागीहरूका लागि नौलो अनुभवयुक्त र निकै वैभवशाली हुने प्रतिक्रिया दिए ।
अमेरिकी कवि तथा ह्विटियर कलेज, क्यालिफोर्नियाका अङ्ग्रेजी, वातावरण र संस्कृति अध्ययनका प्रा बार्नस्टोन यसलाई स्वप्नमय परियोजनाका रूपमा लिँदै नेपालमा हुने अद्भुत अन्तरराष्ट्रिय सम्मेलनको आफूले प्रतीक्षा गरिरहेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजेबी दर्लामीको उपन्यास ‘मारीखोलाको ढुंगो’ सार्वजनिक
चैत २५, २०८० आइतबार
‘भागु’ राष्ट्रिय बाल नाटक मेलाको सर्वोत्कृष्ट नाटक घोषित
चैत ३, २०८० शनिबार
पोखरामा ‘कखरा’ उपन्यासमाथि चर्चा
माघ २८, २०८० आइतबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
इलाम-२ मा सुहाङलाई १००१ मतको अग्रता (अपडेट)
बैशाख १६, २०८१ आइतबार
वर्तमान निर्वाचन प्रणाली रहेसम्म देशमा विकास सम्भव छैन : नेता कोइराला
बैशाख १६, २०८१ आइतबार
घरमा आगलागी हुँदा अर्घाखाँचीमा चार वर्षीया बालिकाको मृत्यु
बैशाख १७, २०८१ सोमबार
बाघको आक्रमणबाट नवलपुरमा एक जना घाइते
बैशाख १७, २०८१ सोमबार
झापामा प्रहरीले गोली चलाएर लागूऔषध कारोबारीलाई लियो नियन्त्रणमा
बैशाख १७, २०८१ सोमबार
पोखरा स्पोर्ट्स अवार्ड : चार विधामा मनोनयन सार्वजनिक
बैशाख १७, २०८१ सोमबार
राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
बैशाख १७, २०८१ सोमबार
रामेछापका लागि उडेको सीता एयरको जहाज काठमाडौंमा आकस्मिक अवतरण
बैशाख १७, २०८१ सोमबार