प्रधानमन्त्रीद्वारा नेपालकै दोस्रो ठूलो सबस्टेसनको उद्घाटन

६ पुस, काठमाडौं । प्रधानमन्त्री पुष्पकमल दाहाल प्रचण्डले नेपालकै दोस्रो ठूलो विद्युत् सबस्टेसनको उद्‍घाटन गरेका छन् । शुक्रबार सुनसरीको भोक्राहा नरसिंह गाउँपालिका–४ मा निर्मित नेपालकै दोस्रो ठूलो विद्युत् सबस्टेसनको उद्घाटन गरेका हुन् ।

उनले उद्घाटन समारोहमा आफू तेस्रोपटक प्रधानमन्त्री बनेको एक वर्ष पूरा हुने दिन विशेष कार्याक्रम हुने बताए । ‘नेपाल उज्यालो छ, नेपालमा सम्भावना छ, जनतामा यो विश्वास बनाउन जगाउन जरुरी छ’, उनले भने, ‘मेरो तेस्रो कार्यकाल एक वर्ष पूरा हुने दिन म क्रमभंग गर्दै छु ।