लगातार दोस्रो जितपछि कतार एशियन कपको राउण्ड १६ मा

४ माघ, काठमाडौं। आयोजक कतार जारी एशियन कपको दोस्रो चरणमा छनौट भएको छ । गएराती सम्पन्न खेलमा ताजकिस्तानलाई १-० गोल अन्तरले पराजित गर्दै कतारले समुह ए बाट राउण्ड १६ मा स्थान सुरक्षित गरेको हो ।

कतारको जितमा खेलको १७औं मिनेटमा अक्रम अफिफले गरेको गोल नै खेलको निर्णायक गोल बनेको थियो । यस खेलमा खेलको ८१औ मिनेटमा ताजकिस्तानका अमाण्डोनी कामोलोभले रातो कार्ड पाएपछि १० खेलाडीमा सिमित भएको थियो ।

यो कतारको लगातर दोस्रो जित हो । २ खेलमा ६ अंक भएको कतार राउण्ड १६ मा छनौट हुने पहिलो देश बनेको छ । त्यस्तै ताजकिस्तानको भने २ खेलमा एक अंक रहेको छ र समुहमा तेस्रो स्थानमा रहेको छ ।

अब समुह चरणको अन्तिम खेलमा कतारले चीनको सामना गर्ने छ भने ताजकिस्तानले लेबनानको सामना गर्ने छ ।