आजबाट १२० सिनेमा हलमा गोर्खा वारियर रिलिज
नेपालबहस संवाददाता
फागुन ११, २०८० शुक्रबार १४:८:४४
११ फागुन, काठमाडौं । ऐतिहासिक नेपाली अन्तराष्ट्रिय चलचित्र गोर्खा वारियर आज फागुन ११ गते शुक्रवारबाट देशका देशका १ सय २० भन्दा बढी सिनेमा हलबाट प्रदर्शनमा आएको छ । नेपाली, हिन्दी, अँग्रेजी र कोरियन सहित चार भाषामा बनेको यो चलचित्रको नेपाली संस्करण आजबाट प्रदर्शनमा आएको हो ।
शुक्रबार बिहानैबाट फिल्मको व्यापार निकै राम्रो रहेको यसका निर्देशक मिलन चाम्सले जानकारी गराएका छन्,‘बिहानको शोमा केही ठाउँ हाउसफुल भयो भने केही ठाउँमा ८०÷९० प्रतिशतको अक्युपेन्सी रहेको छ । ११ बजेको शोको बुकिङ पनि अत्यन्त राम्रो छ ।’ निर्देशक मिलन चाम्सले भने । ऐतिहासिक अन्तर्राष्ट्रिय चलचित्र गोर्खा वारियरको दुई वटा ट्रेलरले पनि दर्शकबाट सुखद प्रतिक्रिया प्राप्त भईरहेको यसका निर्देशक चाम्सले बताएका छन् ।
बृटिश गोर्खा लाहुरको बाहुल्यता रहेको शहरहरु बिर्तामोड, धरान, नारायणघाट, पोखरा, दमौलीसहित काठमाडौंको क्युएफएक्स सभिल, क्युएफएक्स लाबिम, बिग, एफक्युब, वान सिनेमाज, आईएनएलगायतका सिनेमा हलमा हाउसफुलको अबस्था रहेको यसका वितरण सँयोजक करण क्रेजीले बताएका छन् ।
ललितपुर क्षेत्रमा रहेका राई लिम्बु समुदायका करिब ६०० जनाले शुक्रबार ११ बजे ललितपुरको जाउलाखेल स्थित चिडिया खाना क्षेत्रबाट गोर्खा वारियरको समर्थनमा यो चलचित्रको ब्यानर बोकेर आफ्नो भुषभुसा र गाजाबाजा सहित फिल्म हेर्ने आह्वान सहितको र्याली निकालेका थिए । सो र्याली लबिम मलमा गएर टुँगिएको थियो । र्यालीपछि कतीपय दर्शकले पहिलो शोमा टिकट नपाएपछि दोश्रो शोको लागि फिल्म कुरिरहेको बताए । केही दर्शक भने अन्य हलमा सिनेमा हेर्न गएका थिए ।
यो चलचित्रको बुधबार मात्र काठमाडौंको बिग मूभिजमा बृहत रेक कार्पेट प्रिमियर गरिएको थियो । जसमा पूर्वप्रधानमन्त्री केपी शर्मा ओली, संस्कृति मन्त्री सुदन किराती, राप्रपाका अध्यक्ष राजेन्द्र लिङदेन, अभिनेता हरिबँश आचार्यदेखि विभिन्न चलचित्रकर्मी, सञ्चारकर्मी, संघ संस्थाका पदाधिकारी एवम् सेलिब्रेटीहरुले यो चलचित्र हेरेर निकै राम्रो प्रतिक्रिया दिए ।
त्यस अघि ५ फागुनमा धरानमा गरिएको प्रिमियर र ७ फागुनमा पोखरामा गरिएको प्रिमियरबाट पनि सिनेमाले सुखद र प्रसँसनीय प्रतिक्रिया पाएको छ । यो फिल्मको पहिलो अन्तराष्ट्रिय रेड कार्पेट प्रीमियर गत भदौमा लण्डनस्थित विश्वकै प्रतिष्ठित ‘आइम्याक्स सिनेवर्ल्डमा गरिएको थियो । उक्त हलमा प्रीमियर हुने ‘गोर्खा वारियर’ पहिलो नेपाली फिल्म हो ।
यो चलचित्रको कोरियाको लागि कोरियन र हिन्दी बाहेक अन्य विश्व बजारका लागि अमेरिकन कम्पनीले किनी सकेका कारण चलचित्र गोर्खा वारियर अबको ७ वर्षसम्म युट्युवमा रिलिज नहुने पनि यसका निर्देशक चाम्सले जानकारी गराएका छन् ।
यो चलचित्रमा क्याप्टेन रितेश चाम्स, क्याप्टेन विजय लामा, रेविका गुरुङ, रियर राई, शिशिर बाङ्देल, कविता आले, बिरूप घले, सारा राईलगायत कलाकारले अभिनय गरेका छन् । यो फिल्मको गीत शैलेन्द्र खनाल ‘शरद’ ले लेखेका हुन भने एलिस कार्कीको संगीत, राजेशपायल राईको गायन रहेको छ । फिल्मलाई राजेन्द्र मोक्तानको रंग संयोजन गरेका छन् । यो फिल्ममा हिमाल केसीको द्वन्द निर्देशन, मिलन श्रेष्ठको सम्पादन, सुदीप बरालको डीओपी छ ।
लण्डन सिनेआई प्रोडक्सनको प्रस्तुति र चाम्स इन्टरटेनमेन्टको सहकार्यमा निर्माण भएको यो फिल्मको निर्मातामा सुमन राई र सुस्मिता वाइवा छन् भने कार्यकारी निर्मातामा प्रशान्त थापा र सह–निर्मातामा रूपमा सुरेश राई छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमेगा प्रोजेक्ट 'बलिदान'को लागि अडिसन आह्वान, कसरी र कसले दिने आवेदन ?
बैशाख १६, २०८१ आइतबार
छैटौँ सातामा ‘महाजात्रा’ : ५१ औँ दिनतर्फ लम्किँदै
बैशाख १४, २०८१ शुक्रबार
ऋषि धमलाले फिल्म ‘भाइरल गोर्खे’मा अभिनय गर्ने
बैशाख १३, २०८१ बिहिबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
पूर्वराजा ज्ञानेन्द्र सडकमा आउने मुहूर्त
बद्रीनरसिंह के.सी.
बैशाख १६, २०८१ आइतबार
एसपीको ड्राइभर कि घुमुवा ?
बैशाख १७, २०८१ सोमबार
इलाम- २ मा कांग्रेस पछि पर्यो , एमालेका सुहाङले लिए अग्रता
बैशाख १६, २०८१ आइतबार
इलाम-२ मा सुहाङलाई १००१ मतको अग्रता (अपडेट)
बैशाख १६, २०८१ आइतबार
पोखरा स्पोर्ट्स अवार्ड : चार विधामा मनोनयन सार्वजनिक
बैशाख १७, २०८१ सोमबार
राजनीतिक स्थायित्व नभएको देशमा लगानी सम्मेलनको खास अर्थ हुँदैनः कोइराला
बैशाख १७, २०८१ सोमबार
रामेछापका लागि उडेको सीता एयरको जहाज काठमाडौंमा आकस्मिक अवतरण
बैशाख १७, २०८१ सोमबार
कलाकार सिपी लोहनीको निधन
बैशाख १७, २०८१ सोमबार
अत्यधिक गर्मीका कारण भैरहवामा जनजीवन प्रभावित
बैशाख १७, २०८१ सोमबार
नेकपा एसको बझाङमा जमानत जफत, इलाममा उही हाल
बैशाख १७, २०८१ सोमबार