पृथ्वी राजमार्ग : पोखरा-मुग्लिन विस्तार सडक [ फोटोफिचर ]

♦ मनिष अर्याल

२१ फागुन, काठमाडौं । मुग्लिन–पोखरा सडक योजनाको दुबै खण्डमा कालोपत्र गर्न सुरु गरिएको छ। कास्की र तनहुँको सिमाना कोत्रेदेखि पोखराको पृथ्वी चोक सेती पुलसम्मको १९ किलोमिटरमध्ये पोखरा प्रवेशमा अस्पाल्ट कालोपत्रको काम सुरु भएको छ भने पुर्वी खण्डमा पहिल्यै सुरु भएको थियो ।

एसियाली विकास बैंक (एडीबी)को सहुलियत ब्याज ऋण सहयोगमा पोखरादेखि मुग्लिनसम्मको दुई लेनको सडकलाई विस्तार गरी फराकिलो र स्तरीय बनाउन मुग्लिन–पोखरा सडक योजना मार्फत काम भइरहेको छ । राजमार्ग विस्तारको कार्य छिटो सम्पन्न गर्ने उद्देश्यले दुई भागमा विभाजन गरिएको छ ।